مرحبا صديقاتي
بغيت استفسر الحين اللي مسافرات ويا كتاكيتهم ويالسين في فنادق شو تاكلونهم طبعا هذا من سن 6 شهور ل سنه ؟ انا ترست الشنطه مكاين الاكل وحسيت انه قمه الغباء اني شاله كل هذا …الله يخليكم افيدوني …ولا تقولولي سريلاك وبسكوت صراحه ما يهون عليه ولدي اعيشه 20 يوم على السيرلاك انا طبعا متعوده اعطيه خضار وعيش …اللي عندها فكره تضيفها اهني بليييييييييييييييييييييييييييييز
هلا ديمة
الغالية انا أخذت معي طباخ كهربائي صغير من كارفور و قدر صغير
الطباخ الكهربائي نستخدمه للصغيرة و لنا إذا ملينا من أكل المطاعم
وخذنا العيش من هني و الخضره من بطاطا و جزر تقدرين تشتريها من هناك
طبعا مع الخلاط الصغير نهرس فيه اكلها
ما خذت المعلبات الجاهزه لاني ما عودت بنتي عليها وما تحبها
بس يوم رديت من السفر كلهم يقولون ضعفانه حرام ليش ما تعطيها شي
انا بسويلها العيش والخضار حق الغدا وشكلي باخذلها معلبات من هناك حق العشا انا بروحه ضعيف بعد ما فيه يهلك
مافي غير تشلين العدة 
أنا ولديه عمره 8 شهور و10 أيام .. بشل العدة معايه ان شاء الله
وبحاول أسوي كل يوم وجبه حق غدا وعشا (نفس الشي)
واليوم اللي عقبه بغيرله وجيه …
انا حاليا مسافرة و الله غامضياي عيالي وايد
مع اني شالة العدة و اكلهم للفترة كلها بس مع هذا احس ان الموضوع مش مضبوط لاني اطلع و ارجع متاخر
العنوني اخليه في البيت و ما طلعته غير الحديقة اللي عدالنا مره واعليها
و الكبيرة اشل معاي بهانس الها بعد ما تتريق نطلع بس اللي مش مريحني هو تاخير الغداء و العشا و التغاء الوجبات الخفيفة
فاليوم قررت اني اجهز مثلا غدا لمرتين و احطة في الثلاجة
الوجبات الخفيفة نفس الشي اجهزها من فليل عسب بالباجر تتصخن و تنحط في الشنطة
يعني الواحدة يحاول ما يظلمهم في اكلهم
مشكله والله سالفه الاكل هاي