صدق المطلقه ما تلبس

بنات صدق المطلقه ان تزوجت مره ثانيه ما تلبس فستان ابيض وتسوي حفلة عرس لانى وانا اتصفح في مواضيع المنتدى قريت تعليق كتبته وحده من العضوات انه المطلقه ما تلبس الفستان الابيض مره ثانيه وما تسوي عرس ليش يعنى ؟؟؟؟ هل هو مقتصر على الزواج الاولى وشو ذنبها يعنى ان كانت مظلومه في زواجتها الاولى وتبي تفررح بزواجها الثانى وبعدين ليش هالتفكير يعنى وليش التحيز هل الفستان الابيض مقتصر على الزواج الاولى
ليش نهتم بتوافه الامور وندقق عليها؟؟؟؟
وشو مطلقه هل هي عيب او عار الى يعايرها ولى يراقبها ولى يحرمها من ابسط حقوقها
احس هالتفكير بس موجود عندنا نحن الحريم لانى يوم اسال اخوب او حد من الاسره ترضى تتزوج مطلقه يقول عاديي شو فيها المطلقه انسانه انظلمت لا هى عار ولا هي مرض معدي واخوى قالى ياما شباب اعرفهم تزوجوا مطلقات مع انه يكون زواجتهم الاولى يعنى ما سبق لهم الزواج
ونحن نفكر بالفستان الابيض كانه بس للزواجه الاولى

لا يختي موووول مايخصه وماعرف ليش يعني يفكرون بهالطريقه مع اني اعرف وايد بنات مطلقات وعرسن مره ثانيه بحفله وعرس كأنها أول مره تعرس…..

واذا عن الزواج من المطلقات فهالشي يرجع للولد وأهله وتقبلهم لهالشي … فيه من الشباب عادي وفيه من الشباب يحبون انهم ياخذون بنوته لم يسبق لها الزواج يعني على حسب راي كل واحد…..

وعليكم السلام اختي مافيها شي لو المطلقه لبست فستان ابيض وسوت عرس مب عيب ولا منكر
هي مزوجه على سنة الله ورسوله وماسوت شي غلط …. انا اعرف وحده عندها ماشاءالله 7 اعيال وسوت عرس ولبست ابيض كانها تزوج للمره الاولى ….

عادي والله يلبسن ابيض هذا اللي اشوفه وما سمعت احد علق ….

واللي تحب تحش وتغتاب هذي ما بترتاح لين تحش في اي شي والله يهديها

والله يا بنات انا انقهرت من ردها انه المطلقه ما تلبس فستان ابيض وما تسوي عرس

اووووونه عيب

ليش عيييييييييييييييييييب؟