انا لاحظت ان اكثر الامهات يسجلون عيالهم بالمدارس الخاصه شو بيستفيدون او شو الميزه اللي فيها
مثلا تخلي الطفل اكثر ذكاء او اهتمام
مع اني لاحظت بين عيالي وعيال اختي ان الروضه ما يخصها اشوف على حسب عقلية الطفل وقدرة استيعابه ومدى استجابة امه معه في التعليم
انا بنتي دخلتها روضه عاديه ولكنها الحين مدرسه 3 ابتدائي درجاتها كلها بال90 وفوق وماشالله عليها ماتنزل الا اذا استصعب عليها شي وما تخبرني عنه
والحين بعد افكر ادخل بنتي الثانيه روضه حكوميه
بس قلت اشوف ارائكم بالروضات 
اهلا اختي
شحالج عساج بخير موضوعج حلو للاستفاده
بصراحه انا عندي اول طفلة اللحين بتدش الكيجي ون
ومش غلط ادخلها روضة حكوميه لان بصراحه صار عندهم نظام جداً حلو صارت مدرسة الانجليزي انجليزي يعني نظام الشراكة
سابقاً لا كان كلهم مواطنات وعربيات وبصراحه في بعض المدرسات مايدرس عدل وعندهم اهمال سواء كان في الحكومة او الخاصة
ممكن بعض المدارس الخاصة والقوية وليس كلها نفس بعضها
بصراحه دراستها قمة الاهتمام والكادر مدرب تأهيلياً ووظيفياً للاهتمام بالطفل مثل مدرسة الإسترالية مدرسة الإتحاد عندج مدرسة جيمس كامبرج ومدارس علوم الدار والمدرسة البريطانية وغيرها
هذا تعليقي وبالنهاية كمان عقلية ومستوى استيعاب الطفل له دور
اتمنى التوفيج لج
انا قالولي أن روضة البشائر مب بالمستوى التعليمي الجيد للطفل … ف عسب جي قررت ادخله بالخاص لان بعد روضة المستقبل ما تستقبل أطفال من غير منطقتهم ….
و أنا جديده ع هالمنطقه و سألت لين تعبت و هني بالمنتدى محد رد علي ف ياليت حد يفيدني لأني بصراحته أبى اسجلها بالحكومي
انا بنتظر بدايه الفصل الثالث وبروح اسأل الروضه لانهم الحين اجازه
امل الدنيا عادي سوي مثلي انتظري بداية الفصل الثالث وزوري اي روضه تبينها وشوفي يقبلون او لا واسألي عن نظامهم الدراسي وملابس الاطفال اذا ما نفع روحي التربيه والتعليم
الأفضل الحكومي
بالتوفيق…