شو الحل يا أخـــــــوي؟؟ قبل لا يفوت الفوت

السلام عليكم
كيف الحال؟؟
انا من أمس وانا أفكر في مشكلة اخوي الي ماعرف شو نسويله اكثر عن الي سويناه؟؟
الكل في العايلة يفكر فيه ويحاتيه…..
المشكلة هي ان اخوي ترك الدراسة وقعد في البيت يمكن اربع سنين من دون شغل او حتى دورات تنفعه بس كله رقاااد وسهر مع ربعه الفاسدين الي مأثرين عليه للحين، حتى الصلاة احيانا يصليها مب دوم الله يهديه بس، والله كلنا حاولنا وياه ابوي بعد ماقصر وياه ينصحه دايما ويعطيه الي يباه.. بس ياه الوقت الي لازم اخوي يصرف ع نفسه ويعتمد ع نفسه لان الحين الي بسنه ويمكن اصغر عنه كلهم اشتغلو واشتروله سيايير واضمنوا مستقبلهم، اخوي تقريبا من شهر راح يسجل بمعهد عسب ياخذ شهادة يقدر يشتغل بها في اماكن زينة، وماكمل اسبوع الا وطلع خبرني انا بس قلتله لازم تخبر ابوي لاتطلع من دون شوره لان ابوي وايد شجعه ووقف وياه وكان مستانس لهالشي، بس ابدا ماشاوره كان خايف من ردة فعل ابوي بس طبعا هالشي غلط وانا فهمته بس راسه عنيد وسوا الي في باله وماخبر ابوي، ابوي طبعا زعل وعصب منه والحين ابوي يباه يشتغل في الجيش لان الجيش وايد معاشاتهم قوية ويباه يعتمد ع نفسه بس اخوي مايبا الجيش واخوي الثاني مسوله ترتيب ان يشغله عنده فالجيش فمكان مريح بس هو راكض ورا ربعه وهالشي وايد ضايق ابوي مول مايسمع الكلام والله احترنا معاه مانعرف شو نسويله مافي مكان بيقبله بالشهاده الي عنده القوانين تغيرت بس ماااااشي فاااااااااااايدة عطوني رايكم كيف نقدر نخليه يبتعد عن ربعه

ممممممم

الله يهديييه و يسر آموركم ^^

المشاركة الأصلية كتبت بواسطة ۈحدڪ آبېڪ

ممممممم

والله محد مخرب آخوووج ربــعه

آقطعوا عنه المصرووف و عقب بيحس بجيمة الشغل

الله يهديييه و يسر آموركم ^^

مشكورة عالرد الغالية
الحين محد يعطيه بس احيانا مب دوم والمشكلة ان يتحسس ويقول انتو تخليتو عني وانتو وانتو الله يهديه بس

امممم

والله يهدييه

من كلامج اخوج ما يبغي يعتمد على نفسه

لو حد غيره ما راح يتشرط

لا تعطــونه ولا فــلس أحـرموه من البيــزات عشــان يحــس ويعتمــد على نفســه .
هــو ألحيــن مب حــاس بس لين بغى يتــزوج بيحــس وبيعــرف , وبيقــول جــان زين لو درست ولو ولو