السلام عليكم بنيات وامهات …
اشحالكن عساكن الا بخير ؟؟
بغيت اختصر كلامي … لاني صدق مليت وطفرت من حياتي وياه … الانسان اهم شي في الدنيا صحته والا الباجي اعقه ورا ظهري … سلمكم الله ريلي يتحرا عمره عزوبي ما عنده ذرة مسؤوليه يبغي يسرح ويمرح في دنياه انا صابره عليه دهور .. يا بنات انا عندي رضيع من شهر وهو مريض كرمكم الله عنده اسهال وهو عاااااااااااادي مطنش جنه العيد … ما يقدر يوديني يقولي مافيه شي … من يومين زاد عليه حتى قام يرجع فقلتله امس ودني العصر ما ابغي اتأخر اكثر من جذي تعرفون رد شو قالي ؟؟؟ انتي ما تفتكرين الا يوم بلعب كـــــــــره ؟؟؟؟؟؟؟؟؟؟؟؟؟
ويوم خلص من الكره ياي العشا قلتله الحين بنسير تعرفون شو رد عليي ؟؟؟ متواعد مع ربعيي ؟؟؟؟؟؟؟
هامل عياله وهاملني وفوق هذا كله مانعني من الطلعه حتى مع اهلي والا اخواني ما بيرضى اذا شليته ووديته مع حد او اتصرفت بروحي ؟؟؟؟؟؟؟؟
وانا من متى اسناني يبالهم جراحه اللي هم العقل كل يوم اعاني في الليل ؟ لانه ما عنده وقت يهتم فينا جذي يسوي … لا يرحم ولا يخلي رحمة الله تنزل …. لا هو بيودي ولا حتى يرضى حد يوديني مع عندي ليسن وكل شي بس ما يخليني اسوق ؟؟؟
انا سالفتي غير ومشكلتي غير ما همني اي شي يسويه يلعب .. يطلع … يتكلم في التلفون .. يسهر في الليل .. او حتى يغازل ماااااااااااااااااااااا همني .. اللي يهمني هو الصحه وبس
بس توووووووووووووصل لها الدرجه من الاهمال ؟؟؟؟؟؟؟؟
انا افكر اتركله البيت وامشي على الاقل بهتم في عيالي وبعالجهم وبعالج نفسي من دون تسلط وتحكماته اللي مالها معنى …
صلي ع النبي عزيزتي
و واجهيه 
..
حاولي اتقولين له ان الولد من متى مريض وبسم الله لو صابه شيء ربيعك بينفعك و لا الكره بتفعك؟
بيني له انج زاغية و مب قادرة اتركزين في شيء و وفوق كل ها تتألمين
الله يعينج و يحنن قلبة عليكم
حياتي ريلج انااااااااااااااااااااااااااااااني
انسان قمة الانانية والعياذ بالله
فديتج اذا هو يحب عمره بهالدرجة انتي لازم تحبين عمرج وعيالج اكثر بمليون مره
حرام عليج تيبين الطفل ورا الثاني وعلاج ما عندهم
لازم اتسوين حركة
واكشن قوييييييييييييييييي عسب يسطلب
حرام والله حرام عيالج
غامضيني
الله يعينج اختي لوووو هو ما كد المسؤوليه لاااازم اتكلمين اهلج باسرع وقت وهذا ضنااااج محد بيتعب غيرج
وما عليج منه يوم يومين بيزعل وبيسكت اهم شي صحتكم
الغالية
ولدج بييه جفاف فديتج إذا تم ع هالحال
الله يكون في عونج والله
قولي له.. إذا ما بتوديه أنا بتصل ع خويه يوديه…
وإذا منعج قولي له عيل يللا.. قوم ودني..
باجر رمضان.. وعقبها كيف بتعالجين ضرسج؟؟
اختيه مع كل احترامي لج.. اكيد ريلج مب من اليوم هذا طبعه صح؟ يعني اكيد من اول ماتزوجتوا..
شفتي طبعه انسان لعاب وما يحمل ذره مسؤوليه.. تروحين وتحملين منه؟؟؟؟؟
مب كفايه مب شايل مسؤوليتج بعد اتيبين ياهل لاب ماعنده ذره مسؤوليه؟؟؟؟
المفروض في هالحاله انتي اللي تكونين مسؤوله.. دام ريلج طلع مب ريال ترومين تعتمدين عليه.. ما عليج من رمسته.. شلي قشارج واتصلي بواحد من اخوانج يودونج المستشفى.. ياهل عمره شهر عنده اسهال ويرجع ما بيروم يعيش فتره طويله.. وانتي بعدج تتريين ريلج المصون يوديج؟؟
ونصيحه.. حاولي تخلين هذا اخر ياهل اتيبينه من هالريل.. لا تحملين عمرج فوق طاقتج.. ارحمي نفسج وارحمي الياهل اللي عندج..
هلا اختي ..
الحل باختصاار …
تحددين معاااه يوم عشاان تتفاهمون ويالتي يعني يكون قبلها بفتره عشاان ما تحجج بربعه ولا بشغل …
وفهاليوم تكونين انتي بكامل هدووئج ولا تحاوين تعصبين ولا شي في اثناء الحديث ويااه …
وتكونين قبلها كاتبه كل الاشياء الي بتتكلمين فيها معاااه عشان ما تنسين …..
اول شي تقولين له يا فلالالان انته ريلي الي انا احبه واخترته بين كل الناااس و …. و…. (يعني تمدحينه شويه )
بس في اشياء انا وايد اتضايقني ولو حلينهاااا بتكون حياتنا احلى واحلى واحلى
وتعطينه نقطه نقطه .. .. ..
واهم شي ف الاخير انج تطلعين بنتيجه انه ما يمنعج من اطلعه ويا اهلج واخوانج ..
وجربي وشووفي يمكن الله يهديه ..
واذا ما هتدا خليه احد من اهلج يكمله ابوج او اخوج ولو ما فاد بعد خليه ابوه هو او اخوه يكلمه
ولو ما فاد اقوولج ..((انتي بتكونين جربتي كل الحلول))
الله بيوعوضج عوض خير ف ولدج ووتطلقي منه وخليه لان الي مافيه خير لضناه ما بيكون فيه خير لحرمته ……وولدج الي بيعوضج يوم بيكبر ..
والله يصلح الاخوال ان شاء الله