السلام عليككم ورحمة الله وبركاته
هاي اول مرة بطلع ويا ريلي الفندق كتغيير جو ..من فترة طووويله ما رحت الفنادق ..بغيت تعطوني افكار شو اقدر اسوي في الفندق كتغيير ..ما ابي بس ايلس واشوف مناظر برع ..ابغي افاجآ ريلي او اوونسه ..
حبيت اخذ افكاركم
والسموحه
قولي للفندق يسون لج كيكة صغيرة
بتلات على السرير
او اسأليهم انتوا شو عندكم انشطة هم بيقولون واحجزي …
مرحبا خيتو ..
انا اذكر قبل لا احمل سويتله جو رومانسي ع قولته بس ريلي مايحب هالشغلات وايد بس استانس عليها
اول فندق سويتله مال سرعه سرعه تريته يروح الحمام عزج الله وريلي بعادته يتاخر شوي فكانت فرصة لي كنت شاله وياي بتلات ورد+ شموع حمر + شموع اللي تشتغل بالبطارية تحصلينه في دايسو .. وسويت بالبتلات قلب عالسرير ونثرت الورد ووزعت الشموع اللي بالبطارية وعالطاولة حطيت شموع زجاج وحوليه بتلات ورد ..
الفندق الثاني كنت قبلها بفترة مرتبة اغراض سويت ثيم مناسب للكب كيك + غراش الماي + تعليقات فوق السرير + وبلونات + ويبت ليتات جنهن لديسكو وشغلت فيه موسيقى وصح كنت يايبة طقم الفوندو رتبتة عالطاولة ووراه غراش الماي حطيت عليهن فيونكه حمرا وزينت حوليه بالبتلات والشموع اللي بالبطارية وحطيت للكب كيك مع اني ما يبت كب كيك يبت قطع كيك عادي جوكليت + ماشمالو + بسكوت خفيف بس كان روعه والسرير زينته سويت بالشريطة الحمرا مثل علامه + وكتبت في النص بالورد احبك خخخ ماعرف اذا فهمتي الفكرة ووزعت الشموع فكل مكان وكانت ليله حمرا فحمرا بس للاسف مالحقت انفخ بلونات .. عشان تضبط الافكار لازم ريلج يختفي لنص ساعه انا ريلي يبركن في الحمام خخخخخخخخخ
ان شاء الله تستفيدين من الافكار
ماعندي فكرة لان عندي يهال و يعذبوني ما اقدر اضبط شي 
ان شاءالله البنات يفيدونج حبيبتي
ما قصرت اخت خدن مورد ….
ولا تنسين قميص النوم ال يحبه او الأستايل ال يحبه … مع حركات الورد والشموع ….
والله يوفقج يارب
تدرين .. انا يوم اروح الفندق اروح للسبا واخلي ريلي ويا ولدي يلعبه ويسبحه ويسبح وياه خخخخخخخخخخخخخخخخخ
احسن … ابا اريح اعمري وادلل ..