السلام عليكم
مرحبا بنات , اشحالكن ,إن شاء الله بخير
أنا وايد متغربلة مع العجاين مافي عيينة ( فطاير )أسوييها و تظبط هويايه يا تكون غلييظة و معوينة أو عصة و يابسة .
أريد عيينة يوم أسويها تكون (خفيفة , منفوشة , بيضاء , وناعمة مثل القطنة). تسلمن.
للرفع
بسم الله الرحمن الرحيم
السلام عليكم ورحمة الله وبركاته
طرق العجائن كثيره جدا وكثير من البنات مرات تضبط معاهم ومرات لا
وصارو يكرهون يعملون المعجنات لهذا السبب وانا كنت اولهم
لكن من عرفت هذى العجينه وانا صرت اسويها ونتايجها لطيبه
واعتبرها كنز من كنوز المعجنات
وهي عجينة العشر دقايق
هذى العجينه اخذت الشهره الكبيره جداااااااا واغلب البنات جربها وصار معتمدها
وانا اولهم
مثل البيتزا والخليه والسينامون والاقماع والفطاير وغييييره الكثير
طبعا كل هذا المدح في هذي العجينه قليل عليها والله ….. والله يجزاها خير صاحبتها
نبدي في طريقة عمل هذى العجينه
المقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
وانا زدت عليها 2 ملعقة حليب بودر … لان الحليب يعطيها طراوه اكثر
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات دقيق /نصف كاس زيت.
وتعجن جيدا وتستخدم على طول
ملاحظات
مثل ما شفنا العجينه تنقسم لقسمين وتتخمر عشر دقايق في القسم الاول … وتضاف عليها باقي المكونات
يعني مجموع الطحين في العجينه هو خمس كاسات
الكميه ممكن تكون كبيره على بعضكم لكن ممكن تشكلي فيها وتنوعي يعني تقسمي العجينه حق فطاير وحق عمل البيتزا او حق خليه وعمل بيتزا وهكذا
مرحبا اختي( قارورة العسل)و مشكورة عالرد
, أنا سويت هاعيينة أمس(وزدت عليها ربع كوب ماي , ملعقة صغيرة بيكن باودر),طريقة الشيف شوكلاتة . بس بعدها اظهرت غليظة .ما أدري شو الغلط.تسلمين
حبيبتي نصيحتي لج التزمي بالمقادير السابقة و لا تزيدين فيها
و السر في نجاح العجينة انج تعجنيها باليد و لمدة طويلة يمكن حدود 20دقيقة و صدقا راح تكون مثل ما تريدينها باذن الرحمن
موفقة في المحاولة الثانية
ننتظر النتائج
تسلمين اختي نعيمة خلفان , و إن شاء الله بجربها
http://forum.**********.com/showthread.php?t=2825697
راح تنفعج هالعجينه بكل العجاين وموفقة وابغي منج دعوة حلوة بس حبيت اني افيدج كنت بسويلها كوبي بس ما تنسخ وسوري ع التقصير