ريلي راجع من البحرين واخيرا

شحالكم حبيباتي

الحمدالله الحمدالله عيال بلادنا راجعين من البحرين مع درع الجزيره

وريلي الله يحفظه واحد منهم

صراحه متلومه فيه ما جهزتله اي شي لاني ع وشك ولاده هاليومين

ابا اسوي اي شي بسيط تعرفون ويع الولاده والمنان كيف

بس هالشي ما يمنع ان اسويله ولو شي بسيط

بشو تنصحوني خواتي والصراحه ما اضمن ما اربي قبل لا يوصلون البلاد

ومشكورات مقدما

اممم يكفي انج بتولدين ^.^ وووو ان شاء الله هاي احلى هديه له

ربي يوفقكم ويسعدكم ان شاء الله

الله ايردهم بالسلامة

بس دام عندج وقت .. او حتى لو ماترومين .. طرشي حد يشتري له هدية قيمة تناسب هالمناسبة

حتى لو كنتي مربيه او وصل البيت فجاة بتكون مفاجئتج جاهزة ^^

روحي المحمصه او المكتبه و اشتري ورق لف الهدايا الشفاف اللي ما فيه ولا نقش

وعقبها اكتبي عليها رساله من خاطرج تبينين له حبج واهميه وجوده بحياتج وحياه البيبي واللي يخطر في بالج وعلقيها باللصق الشفاف على جدار الغرفة وهالشي مب مكلف ابد وخليها تكون كبيره تلفت الانتباه

حتى لو ولدتي وهو وصل البيت بيشوف الرساله وبيستانس انج ما نسيتيه رغم تعبج

وطبعا شموع و ورد مجفف وانثريهم على شكل ممر محدد بالشموع والورد بالنص ك بساط يؤدي للرساله

والبسي شي بسييييط يبين الكروشه بس

مب شرط تتكلفين بالتعديل بالعكس البساطه حلوة وبيستانس فيها وبيقدر انج رغم تعبج سويتي شي حقه

ها اقتراح وبكيفج اذا حبيتي تنفذينه ^^