السلام عليكم ورحمة الله وبركاته
في بدايه سبتمبر اكتشفوووو ان عندي خلايا متحوله في عنق الرحم واذا لم يتم ازالتها ممكن تتحول الى سرطان والعياذ بالله
رحت المشتشفى عند دكتورة جدا مشهورة في بوظبي وقالت العلاج انج تسوين تقشير هذه الخلايا ولازم اتين في اليوم الثامن من الدورة قلت لها اوكي وفعلا رحت لها بس للاسف هي طلعت مسافره لظروف طارئه
ويوم رجعت رحت لها قالت خلاص تعالي على الدورة اليايه وسوت لي سكان في نفس اليوم قالت لي معدل التبويض عندج وااااااااايد نازل وما في تبويض
اتريت اتيني الدورة عشان اروح لها مع اني ريلي كان رافض اسوي العمليه هنا ورحت مستشفى المفرق وسووو لي سكان قالت لي عندج كتله في الرحم يبين ان الدوره بتنزل جريب
حجزت ورحت تايلند على اساس اسوي العمليه ويوم التحاليل طلعت حامل اناا ويهي صار جذي 
بصراحه ما عرفت ازعل ولا افرح
هناك طمنوني وقاااالو لي امورج طيبه صح الخلايا موجودة بس ممكن جسم يقاومها من نفسه ونصحوني اسوي التحاليل كل 3 او 6 شهور
رجعت بوظبي ورحت عند دكتوره في ووحده من المستشفيات الخاصه علىاساس ابدا اتابع الحمل وياها قالت لي لالالالا وهذا خطر على حياتج ولازم تروحين توام يمكن ينزلون لج الياهل وووو وخوفتني وبطت جبدي وردعت البيت وانا اصيح
حاليا نفسيتي فالقاع ما اعرف وين ادق براسي والسكر عندي لاعب فيني لعوب وبدت تنزل علي افرزات غامجه شوي بس وقفت وامس رجعت بس بكيمه بسيطه جدا
وااااايد متضايقه وعطوني اقرب موعد 24 ديسمبر عند الدكتوره الي كانت بتسوي لي العمليه لانها فعلا ممتازه وكفايه اخلاقها بروحها كم تسوى بس احس لو بتريا لين هذاك التاريخ بنجلط
ياختي اتعوذي من ابليس
حصني عمرج بالقران وادعي ربج ان يسهل امورج
وتوكلي على الله
والله يحفظج من كل شر ولاتنسين ان الصدقه تدفع المرض
أختي , الله يحفظج, هدي نفسج, الخلايا المتحولة ما تتحول بسرعة لسرطان يبالها وقت, ومرات الحمل نفسه سبحان الله يعيد خللايا الجسم لطبيعتها بسبب هرمونات الحمل. توكلي على الله , مثل ما قالت الأخت حصني نفسج بالرقية والأذكار .أكثري من الإستغفار والصلاة على النبيعليه الصلاة والسلام ولا تنسي قيام الليل. ربي يطمنج ويريح قلبج.
مالج غير الدعاء
الله يقومج بسلامة
الله يشفييج حبيبتي
لاحول ولاقوة الابالله اسأل الله العظيم رب العرش العظيم ان يشفيج
صلي صلاة الاستخارة ..ومخاب من كان الله وكيله