راتب الخدامه

السلام عليكم بنات
هذا أول موضوع لي فهالمنتدى الحلو
ببدا على طول
بنات انتوا تعطون الخدامه راتبها كل شهر و في نفس اليوم؟
لأنه خدامتي تقوللي اونه أبا راتبي تاريخ 2 من كل شهر
قلتلها اصبري اسبوع ليما يرجع ريلي من الدوام تقول مدام أنا ما يخصني فيكم أبا راتبي اول بأول هههه
فإنتوا شو رايكم عطوني خبراتكم مع الخدامات

انا اتفاقي اول ماجت ان الثلاثة الشهور الاولة تكون عندي وبعدها اعطيها اوقعها على كل اول شهر عالراتب بس هي تخليه عندي واحيانا تطلب مني حق شهرين نرسلهل لها حسب عنوانها – والظاهر ان خدامتك وقحه بالكلام ..

أختي أنا أعطيها راتبها كل شهر تقريبا صارلها عندي 4 شهور
بس هالمرة ريلي فالدوام فهي محتشره لازم تبا راتبها في نفس اليوم
فعلا حسيتها وقحة هي اندونيسية و أنا اصلن مبوني ماحبهم الاندونيسيات بس اضطريت ما حصلت غيرها و أنا حامل و عندي صغار
الله يعينا على هالخدم

هيه كل شهر ونفس اليوم بس هي تيمعه عندي مب في إيدها وكل 3 شهور أو 4 تطرشه دفعة بس معاش في إيدها لاااااا لأنها ما تطلع من البيت وكل مشترياتها أنا أشتريلها

لا مب حلوه جيه المفروض تتريا
نحنا الخدامات عندنا يحليلن شهر يمر ما دفعنالهم مثلا لظروف ما ايقولون ابدا شي
بس خدامات الحين مستقويات

يقول النبي صلى الله عليه وسلم : ( أعطوا الأجير أجره قبل أن يجف عرقه ). وفي الحديث القدسي فيما رواه النبي صلى الله عليه وسلم عن رب القدرة : قال جل جلاله : ( ثلاثة أنا خصمهم يوم القيامة . رجل أعطى بي ثم غدر ورجل باع حراً ثم أكل ثمنه ورجل إستأجر أجيراً فإستوفى ولم يعطه أجره ). فهذان الحديثان يؤكدان العناية التامة بالعاملين وإعطائهم أجورهم .

فبارك الله فيكم خواتي حطوا عماركم مكانهم …

لو ريلج مخلي بيزاتها قبل لا يسير احسن

وتوقع في الدفتر وخلاص بس تاخير احس صعبة اسويها لازم اعطيها ع الوقت او قبل بشوي