اشحالكم يا الطيبات
انا سويت لي مطبخ خاص لان كان المطبخ مشترك مع قوم عمتي بحكم اني ساكنه عندهم بنفس الحوي
الحين ابا منكم يا خواتي الخبيرات كل النصايح بالنسبه لترتيب المطبخ وتزينه وتنظيفه والادوات الي لازم اشتريها ومن وين اشتريها وكل نصايحكم الطيبه والمفيده طلعو كل خبراتكم اهني مع الشكر لكل وحده
يارب يا كريم
اول شي مهم اللي تسخنين فيه الماي ماركة coler اللماني
عندج اغراض التخزين وللبهارات من ايكيا اشيا حلوه
خلاط عصير من براون ..عجانه من كينود
طقن صحون من ايكيا الساده راقي وما تروح موضته او من هوم سنتر
واخذي من الجمعيه الملاليس والملاعص والسكاكين
هذا اللي في بالي
UP UP UP
المشاركة الأصلية كتبت بواسطة أم كاكي 
عندج اغراض التخزين وللبهارات من ايكيا اشيا حلوه
خلاط عصير من براون ..عجانه من كينود
طقن صحون من ايكيا الساده راقي وما تروح موضته او من هوم سنتر
واخذي من الجمعيه الملاليس والملاعص والسكاكين
هذا اللي في بالي
شكرا وما قصرتي
الغالية
شوفي هوم سنتر وايكيا وهومز آر أص
عندهم أشياء حلوة للمطبخ
اول شي حددي استخداماتج للمطبخ عشان اتعرفين الاغراض اللي تحتاجينها
يعني اذا طبيخه تبين جدور وسوالف كثيره
اذت نص نص خذي شغلات خفيفه
وانا برايي المايكرويف اهم شي في المطبخ