بنات من فيكم صارت معها انها حملت على اللولب؟
ولو رحت الدكتورة بتشيل اللولب ولا لا؟ لاني قريت انهم مرات يخلوه ع اساس ينزل اثناء الولاده!!
وادعولي الله يسهل حملي وولادتي!! سبحان الله قدر الله وماشاء فعل كنت ناويه أأخر الحمل على الأقل خمس سنين لان بناتي لسه صغار.. وحده سنتين ووحده سنه.. لكن الحمدلله على نعمه الكثيره علينا..
يارب اجعل خلقة جنيني تامة ويكون بأتم صحة وعافيه يا الله..
واحفظ بناتي وزوجي من كل شر
الله يسهل عليج حبوبة
بس اتوقع المفروض يشيلون اللولب
لانه ممكن ياثر على الجنين
وبعدين ماله داعي اللولب الحين انتي حامل
سبحان الله ..
اظن انه ما ينفع الحين يشيلونه ممكن يسبب نزيف
ووقت الولاده يشلونه
اظن انه اللولب الهرموني اللي ما يحملون عليه لانه عباره عن هرمون اما العادي هو اللي يحصل حمل عليه والاحظ وايد احملو عليه
الله يتمملج الحمل على خير لا تحاتين عندنا وحده حملت على اللولب وخلو اللولب لين الولاده والحمد لله ربت طبيعي والياهل سليم بس اعتقد يتابعون اللولب بالسونار
الله يطمن بالكم
والله اني على اعصابي من هاللولب
ادعولي
اذكر مرت اخوي حملت على اللولب بس ما اعرف كيف تصرفت صراحة..
الله يطمنج ان شاء الله
عادي اختي ينشال إذا انتي في الشهور الاولى انا حملت عاللولب وعلى طول شالته الدكتوره (عياده خاصه )والعياده الحكوميه قالو بيشلونه بس بعد ما اوقع على تعهد اذا صار اجهاض بعد مايشلوه حتى ما اقاضيهم (خوفوني)بس الصراحه رحت عند الدكتوره الي حطتلي اياه وشلته بكل سهوله وبدو الم والله والحمدلله من فضل الله كملت حملي ويبت بنوته حلوه