>-< حلى التوست بالقشطه والفواكه والكراميل >-<

حبيباتى هاى المقادير :_ علبه فواكه مشكله -2 دريم ويب -كيس خبز توست الحليب- 2 كريم كراميل – ابو قوس – 2 قيمر
الطرييييييييييييقه>-<

اول شى نسوى الكراميل على النار , ونضيف العلبتين من الكريم كراميل وفنجان سكر , مع حليب واحد ابو قوس و2 كوب ماى ونحركهم على النار لين يسخن ويغلى وعقب انطفى عليه

وثانى شى انيب صحن بايركس ونحط اول طبقه من(( خبز توست الحليب ))بس انا سامحونى راعى الدكان ياب لى خبز التوست العادى الى بسرعه يتفتفت وماقدرت اقص الاطراف البنيه عدل , بس انتو قصو الاطراف البنيه من الخبز ورصوها ,

وبعدين شربوها او اسقوها من الكراميل الى سويناه بحيث ما يزيد وااايد بس يغطى خبز التوست او لين يتشربه خبز التوست لا تزيدون وايد عشان ما يخرب عندكم

والحين سوه خلطه القشطه الى هى 2 علبه قشطه و2 دريم ويب وغطوه فيها طبقه التوست بس مب كله تستخدمونه نصفه بس لانه بنرد بنستخدمه مره ثانيه وانثرو فوقه حبات من الفواكه المشكله بس بدون الماى مالها

بعدين عيدو التجربه خبز توست وشربوه من الكراميل بس مب وايد بس لين يتشرب الخبز من الكراميل وعقب القشطه واخر شى الفواكه بس بشكل حلو حطوه الفواكه خواتى ودخلوها الثلاجه وتقدرون عقب تاكلونها فى اى وقت

وها بكون شكلها النهاااااااائى بس سامحونى بسبه الدكان ياب لى النوع الى ما احبه وتضايجت