صباح الخير
والله شي يرفع الضغط بليون الكل اتجنن وآخرهم بودي شوب
أقولكم وش صار…………البارح كنت بالمول وقلت بالمرة أمر بودي شوب أشوف العروض الرمضانية اللي أزعجنا فيها يوم دخلت المحل وكروتين قلت خليني أشتري السيروم الجل بفيتامين سي لأن اللي عندي قرب يخلص ومالي خلق أنزل مرة ثانية
مو هنا الخبر…
الخبر اللي يعصب اني عند الكاشير اكتشفت ان السعر ارتفع من 74ريال لـ 98ريال!!!!!!!!!!!
لييييييييييييييييييييييييه وين احنا؟؟؟
ويوم استغربت الا السيلر يقول كل منتجات بودي شوب ارتفعت
أخذت لفة ع المحل ولاحظت الاسعارالاهي مرتفعة بشكل خياااااااااااااااااااااااالي
لااااااااااااااواللي يرفع الضغط ان السيلر يقول عادي الخضرة والرز والفاكهة كلهم ارتفعوا من كذا بودي شوب رفع الأسعار!!!!!!!!!!!!
الا وينط السيلر الملقوف الثاني ويكمل ويقول حتى انتم وش وراكم ارتفعت رواتبكم 100 ريال!!!!<<<شيييييييي ترتفع رواتبنا عشان نحطها ببودي شوب الفاشل
أنا ماسكت قلتله وحلفت بالله ان المقاطعة راح تشمل بودي شوب
قام هو ضحك باستهتار وقال مستحيييييييييييييييييييييييل تقاطعون بودي شوب معقولة ماتشترون منه!!!
آآآآآآآآآآآآآآآآه ياقهر والله حرام عاد من زين بضاعته الفاشلة اليهودية اذا حنا نقدر نشتري غالي غيرنا مايقدرون حسبي الله ونعم الوكيل على التجار الجشعين الله يخسرهم خسارة مابعدها
لازم نكون يد بيد ونحط حد لهذي المهزلة اللي ماشغلتهم غير ينهمون من جيوبنا وأزيدكم من الشعر بيت السيلر بنفسه قايللي ان الماركات كلها بترفع أسعارها دبل ماهوبس بودي شوب
وقبل ماأخرج سألته عن العروض الرمضانية وطلعت فاااااااشلة تخيلو اذا شتريتي بقيمة أكثر من 400ريال بتاخذين عطر لايف از مع الشور جل واللوشن وأحجامهم صغيرة بعد!!!
أرجوكم يابنات خلينا نقاطعه لو ع الأقل شهر واحد كتأديبه له ودرس لأمثاله علهم يعتبرون واعتبروا مقاطعتكم هذي لوجه الله كمساعة لأسر الدخل المتواضع واصلاح مجتمع من ناحية جشع التجار
هذا يعتبر منكر ولازم نغيره باليد أو باللسان أوبالقلب وهو أضعف الايمان
رجااااااااء أخير كل عروسة مشتركة بمنتدى ثاني تنقله للمنتدى ونحاول خلال يومين ننشرالموضوع بأكبرعدد ممكن من المنتديات حتى لاتكتبون منقول أنا محللتكم ع القل نلحق قبل العيد عشان الكل يخفض والكل يعيد
وكل عام وانتم بخير
حسبي الله ونعم والوكيل على الطمع مب كل الناس ارتفعت رواتبها والغلا انتشر بشكل فظيع وبعد البدي شوب لازم يغلي اسعاره شرات الجمعيات والمحلات يعني وبعدين شو ها انا راح اقاطعه وما اشتري منه مع اني احب بظاعته هئ هئ
حسبي الله ونعم الوكيل
حسبي الله ونعم الوكيل
اصلا بدي شوب من قبل متخيل انا من زمان امقاطعتنه لان صدق ايمصخها كل 3 شهور ايزيد شوي بالسعر لين ما ايصك صكه
عادي الكل الحين يغلي ويقول الرواتب ارتفعت, لاترفعت ولا بطيخ هاي ثلاث سنوات مافي اي زيادة على الرواتب والدنيا تغلى واصحات الدخل المحدود هما الماكليها
انا متعوده اخذ مرات شنط من guess
رحت من يومين اخذلي شنطتين و انصدمت!! الشنط اللي كنت اخذها ب 300 الحين 600 واللي كانت ب 500 الحين 1000
معقوله!!!!!!! يعني الواحد يوم يرفع السعر يزيد 50 درهم 100 درهم مب 500 درهم!!!!!!!!!
لاااااا وازيدكم من الشعر بيت
ربيعتي حليلها ادور شقة…. صار لها 4 شهور البارحه محصله غرفتين وصاله ب 160 الف!!!!!!!!!!!!!!!!!!!!!!!
160 الف قبل سنة بس كانت تييب فيلا عوووووووووده اشكبرها
ما ادري هاي علامات الساعه ولا شوالسالفه
السموحه ع الاطاله