جامعة الامارات – جامعة زآيد مب عارفه شو اختار ساعدوني؟!!!؟

سمعت ان جامعة الامارات (العين) دراستها اوكي ، والدكاتره اوكي ..
والدراسه سهله بعد ، خاصة ان الدراسه بالعربي .. واللفلز ف الفاونديشن يقولون وايد اوكي وتساعد وتقوي اللغة الانجليزيه ..
بس انا مب حابه اسيرها عشان ( السكن ) . . !!!!!

وايد اسمع من سوالف بويات وبنات وعبط ومشاكل …الخ
وخصوصا ان ماعندي صديقه معينه اماشيها فالجامعه ..
ف من جي مب حابه اسير الجامعه احس متوتره وخايفه واايد !
وماابا احتك فالبنات ><"

——————–

فكرت اروح جامعة زايد (أبوظبي)
قريت فالنت ويمدحون الدراسه ويقولون الاساتذه 90% منهم متفهمين واوكي ..
ودراستهم وايد اوكي والشهاده قويه جدا وعالميه ..
وانا لو سرت ما بيلس فالسكن مع البنات !
عادي بروح وبرجع كل يوم ، بأجرلي شقه جريب ، لن ابوي يشتغل اصلا ف بوظبي ..
ف برتاح من هالنقطه ! لني مب حابه اكون وي البنات ف السكن وخايفه ، ونفسيتي اصلن وايد تعبت احس البنات ما منهن امان ! واخاف احتك بالبنات وجي .. احس شخصيتي وايد صارت ضعيفه من بعد مامرضت !

بس يقولون ان الدراسه شوي تعب وضغط ..
وانصدمت اكثر يوم عرفت ان الدراسه بالانجلش ! 😐 😐 وانا بصراحه اعتبر ضعيفه فالانجلش ..

وانا يايبه فالسيبا : 165 / 200

احس الدرجه ضعيفه ..
بس الحمد لله اني نجحت ..

ب شو تنصحوني خوآتي ؟ شو اسوي ؟
شو افضل ؟ جآمعة الامارات ولا جامعة زايد ؟ وليش ؟
شو التخصصات المطلوبه الحينه ؟
انا الشي اللي اميل له اكثر شي (كلية التربيه) ؟
وهل دراسة جامعة زايد صعبه ؟ لنها بالانجلش ؟
وهل شهادة الايلتس (إجباريه) ؟
شو يعني ميجر + جنرال ؟ — انا قريت عنه ف جامعة زايد ؟

خريجات + طالبات (الجامعتين)
دخييييييلكم ساعدوني باللي تعرفونه ..
واللي يدرسون ف هالجامعتين ، هل انتو مرتاحات ولا ؟
شو السلبيات والايجابيات ؟ وشو الدراسه ؟

# كيف اقوي شخصيتي ؟
# كيف اتغلب ع هالشي النفسي الي عندي ؟ "ماباه يخرب علي مستقبلي" انا طول عمري طموحه -ماشاء الله علي-

انصحووووني فيدوووووني باللي تعرفووووونه ><"
ادريبكم مابتقصروون .؟.

ف انتظاركن ..

بس حبيت اعرف عنها معلومات اكثر ..
وشو التخصصات المطلوبه ؟
شو التخصصات الي تحسونها سهله وممتعه ؟

واللي عندها اي نصايح لي ، أو اضافات ، او تبا تعلق عن الكلام الي كتبته عن جامعة الامارات وجامعة زايد تتفضل ..

،