السلام عليكم ورحمة الله وبركاته
كيفكم يا بنات أنا جديدة في المنتدى وحبيت اعرض مشكلتي ويا ليت ألاقي عندكم
أنا متزوجة من سبعة سنين وإلى الحين ما حملت والحمد لله على كل حال، بس
اكبر سبب عندي تكيس على المبايض وعدم انتظام الدورةه الشهرية يا ليت اللي عندها حل مثلاً وصفات شعبيه
ما تبخل علي .
وبالنسبة
للعلاج رحت للمستشفيات حتى مليت استعملت منشطات ( كلوميد)
والابر بانواعه ووسويت عمليتين المنظار للكوي المبيض
والحين شهر و20يوم من بعد العملية الثانية والدورة ما نزلت من بعد العملية
الا مرة يومين بعد العملية والحين تاخرت الدورة علي وما اعرف شو اسوي
وسويت التحليل طلعت ما في حمل
ساعدوني في مشكلتي
وجزاكم الله الف خيرا
تدرين انا شراتج بس كملت ست سنين
وسويت العمليه يتني الدورة مره وحده بس
وللحين اتريا الثانيه 
يالله يارب يشفيج ويرزق بالذرية الصالحه
خواتي انا عندي اختي فيها نفس الشي وهي معرسه اكثر من سنتين . بس قالوا لها لازم تخفف وزنها معنها مب متينه ولا انها ضعيفه يعني جسمها معتدل ..بس لازم تنزل وزنها عشان تنتظم الهرمونات .. ومن غير عطوها دوا للهمرونات اللي مب منتظمه .. وقالوا لها عقب ما تتنتظم الهرمونات بيبتدون وياها العلاج بالابر والمنشطات .. عشان ما يصير إجهاض لا سمح الله..
يـــــــــــــــــــــــــــــارب ترزق كل اخت محرومه وتفرح قلوبهن وتقر اعينهن يارب بالذرية الصالحه المعافاة…
خواتي أنا عندي خواتي 3 بنفس المشكلة وآخر شي سارن لعيادة في دبي اسمها مركز دبي للاخصاب والحمد لله أتعالجن وحملن كلهن فأنصحكن سيرن شوفن عندهم بس عند الدكتور أنور أعتقد اسمه بس وايد محترم ما يكشف ألا في غرفة الكمبيوتر يعني وحده تفحصج وتكون حاجز بينج وبينه وطبعا ريلج وياج
بنات ليه ما تشيلون التكيس ربيعتي كان عندها تكيس و شلته بعمليه و الحين الحمد لله ربت
اختي
اذا وزنج زاااااااااااااااايد نزلية …
وهذا السبب الرئيسي لاستمرار التكيس
وربي يرزقج الذرية الصالحة
الله يشفيج ويرزقج بالذرية الصالحة يا رب العالمين