بخبركم عن بنتي اللي بالروضه عمرها خمس سنين ……….بعد ما راحن خواتها المدرسه قمت أنظف البيت واليوم عندي موعد بمستشفى الأسنان وغيبتها عشان أدريبها اذا ردت من الروضه وما شافتني بتشغل شريط الصياااح.gif "12 (1)")
..انزين ويتني بنتي وقاعده تسولف وياي وهي ما شالله عليها وااااايد ترمس ولا تسكت ..gif "12 (53)")
.عطيتها خس وجزر وطلبت منها توديه للأرانب اللي في بيتنا …..سارت ويت وقالت ماما أنا حطيت الأكل للأرانب .
قلت لها انزين شاطره قالت انتي تقولي الله بيعطيني أجر ما عطاني 
……
وأمس ساعدتج ونظفت الحجره بس ما عطاني أجر …..
قلت لها لا هو عطاج بس يوم بسيري الجنه بتحصلي كللل الأجر اللي جمعتيه قالت يعني فلوس وقبل ما أجاوبها قالت انزين يوم بسير الجنه باخذ الفلوس والأجر وبسير الروضه وبخبر المعلمه آمنه (معلمتها بالروضه)..
ضحكت وسكت عنها لأني كنت مشغوله ..ردت قالت لي ماما انزين اشتري لي حصاله عشان أحطي فيها الأجر
شو رايكم كيف أفهمها هالغاليه فديتها والله ..حبيت أخبركم عن الموقف وانا بانتظار ردودكم …
فديتهاااا وما شااء الله عليهاااا
عزيزتي الطفل بهالسن ماا يعرف المعنى المجاازي 00 لكن هذاا ماايمنع
انج تفهمينهااا وتعلمينهااا فعل الخير 00ويوم بتكبر بتفهمم ع راحتهااا ^^
الله يحفظهاا لج ياارب 0
واي فديتها ياربي ماشاءالله عليه الله يحفظها يارب
نورتن خواتي …أم خماس أنا أحاول أفهمها بس هي تسأل اسأله أكبر منها ماشالله عليها ..حتى معلمتها تقول دايما تسألني أسأله مادري من وين يايبتنها …
الله يخليها لج حبيبتي ^^
ما شاء الله عليها فديتها
ياربي عليها،، الله يحفظها ويخليها لج
عزيزتي حاولي تفهميها بكل بساطه واذا ما فهمت عادي
مصيرها تكبر وتفهم
وايد اشياء ما فهمناها ونحن صغار بس فهمناها يوم كبرنا