السلام عليكم خواتي ..شحالكن
ابغي مساعده ..
يوم الجمعه ان شاء الله عندي عزيمه بعزم هلي من دبي ..و بما اني اصلا من دبي و ريلي من راس الخيمه ..مب عارفه من وين اطلب الاكل
.
بسويلهم بوفيه …يعني ابغي انوع ..
بليز دلون من يون اطلب الاكل ..و اذا تعرفون وحده تسوي محشي كوسه و كشري ..و كرنب ..بليز عطوني رقمها
و بليز ابغي رقم مطعم فنان في المشازي …
المهم بنات عطوني افكار و اماكن
أختي ممكن تطلبين المشاوي +التبولة +الحمص من عند مطعم الصحاري أو مسايا الى في مركز المنار
و اذا تبين عيش ايراني مع مشاوي عند مطعم البوم
واذا تبين فطاير ومعجنات أوبتزا أو ورق عنب حامض عند مطعم النوف
واذا تبين بوفيه سيري عند ابيلا
واذا بتسوين عيش ولحم أو عيش ودجاج برياني هندي أوهريس عند مطبخ الجماهير الشعبي يسوي برياني هندي روعة بس انت وديله الدجاج أو اللحم
وأذا تبين أسعارهم اتصلي فيهم
واسمحيلي اذا طولت عليك
السلام عليكم ورحمة الله
اختي اذا تبين تسوين بوفيه
فأنصحج بمطار راس الخيمة (أبيلا)
خدمتهم حلووووة
المشاركة الأصلية كتبت بواسطة قيثارة 
اختي اذا تبين تسوين بوفيه
فأنصحج بمطار راس الخيمة (أبيلا)
خدمتهم حلووووة
ممتاز اكلهم المطار
وقوس قزح احيده زين يويصلون لراس الخيمه
شكرا خواتي العزيزات ..
عن البوفيه ..انا ما بييب طاولات و كراسي ..البوفيه بروحي بسويه في غرفه الطعام ..عندي طاوله وكراسي ..بشل عنها الكراسي .و برتب الاكل عليها ….
يعني بروحي بتفنن
و ان شاء الله اتصل في المطاعم اللي نعتوني لها ..بس بغيت حرمع تسويليل محاشي ..محاشي البيت احلى عن المطاعم ..احيد وحده من البنات مره حطت رقم وحده مصريه اظن في منطقه جلفار تسوي محاشي و كشري …
في انتظار الباقين
ما احب اكل شركة ابيلا تعقدت منه بالكليه
الفطاير عندج النوف
البيتزا الايطاليه حلوه بعد مقابل بن ظاهر
مشاوي عندج صحاري مثل ما قالوا وانا يعجبني السكلوب والكبه مالهم بس من زمان ما كلت منه
البنات ماقصرن…