السلام عليكم ورحمة الله وبركاته
اشحالكم حبيباتي؟ ان شاء الله بخير انا عندي مشكله واتمنى انكم تساعدوني
مشكلتي اني استحي وعلاقتي بأم خطيبي واللي هي خالتي مب لهاك الزود لاني ما اندمج وياها ف بغيت اذا ما عليكم زود تنصحوني بشي اسويه وياها وخاصة ان خطيبة ولدها الكبير غير وايد جريئه ومندمجه وياها
انصحوني بشي واللي عندها كتاب شي يخص كيفية التعامل مع هالأشياء تفيدني فيه؟؟
الغاليه مب لازمتتصنعيين شخصيه لا
خلج طبيعيه ويلسي وياها سوولفي عاادي عشاان مايقووولون عنج متكبره او دلووعه او او لان نحن الي نستحي يتحروونا متكبررات خخخخخ يحليلناا
اممممممم وبعد ودي امج او اختج يعني خلييها حلقه سوواالف واندمجي وعاادي
والله يووووووفقج
وان شاءالله المعرسااات يساااعدووونج
تسلمين دلع دبي ع الرد
بس وصلتني الرمسه اني متكبره ودلوعه بس لأني ما اندمج وياها والله احاول اتقرب منها والله يكون بعوني ؟؟
وينكم يالمتزوجات نبي نصيحتكم؟؟؟
وعليكم السلام ورحمة الله وبركاته
الغالية إذا انت توج مخطوبة .. أو مالجة.. فهذا عااادي وجدا عادي
لكن إذا صار لكم فترة فحاولي تتقربين منها شوفي شو المواضيع اللي اتهمها
يعني إذا كانت مهتمة بالطبخ رمسيها عن الطباخ .. أو سويلها شي حلو ووديه معاج..
وممكن بعد اتشاورينها فواايد اشيا عسب اتحس أنج تقدرين رايها وتحبينها..
وممكن بعد بين فترة وفترة تهدينها شي.. حتى لو بسيط.. يعني ممكن تاخذيلها دخون مثلاً وتقوليلها .. عيبتني ريحته وخذته لج ولأمي .. مثلاً عسب تحس أنج تعزينها شرات أمج..
وبين فترة وفترة اتصلي بها وتخبريها عن أحوالها وعلومها .. وشو شوي بتي السوالف رووحها
بس أهم شي ما تمين ساكته على طوول.. حاولي ترمسين .. وتحسسينها أنج مهتمه باللي تقوله
والله يوفقج وييسر لج امورج ..
افااااااااااااااااااا ما اتوقعت محد يرد علي ؟؟؟؟ 
كل الشكر ل dala dubai و أم سما ع الرد الطيب
حبيبتي هالشئ عادي في فتره الملجه او الخطوبه بس بعد انتي شوي شوي حاولي تفتحين معاها مواضيع اتهمها بس لا تكونين تافه الثقل زين مع الايام بتعرفين شو تحب وبتعرفين كيف تبربرين وياها بس دايما السوالف مع ام الريل غير فانتي حاولي تتقربين من وحده من خواته عالاقل السوالف تتطلع والبنات يوم يفتحن هالبوز ما يرومن يبندن بسهوله فأنتي خليج على طبيعتج احسن بس لا تتويغدين بسج عاد تكبر ودلع يوزي ها………………امزح فدييتج الله يوفقج ياااااارب
ولك القرار الغاليه
عادي سولفي واضحي وياها وودري المستحى
واكسبيها هي امه والي ربته لازم تتوددين الها