بطلق بسبب منتدى والرسايل خاصـه

انا مب متضايقه وبس … احس اللي فيني اكبر من الضيق ..يعني باقي شعره وحده وبموت من الضيق و الحزن والهم …
انا بكمل 4 سنين متزوجه … والحمدلله احب زوجي وايد وزوجي بعد يحبني وايد …
بس ماعرف ليش دووم ضرابه … وزعل .. وبعدين نرجع لبعض .. بس احس الجرح يتم فالقلب ..
المهم .. انا بخبركم عن آخر زعل صار بينا " و أرجووووووووكم خبروني من الغلطان "

انا شخصيتي دلوعه وحبوبه وضحوكه وكثر ما احب زوجي اغار عليه … يعني اغاااار وايد .. و هالشي احسه فعايلتنا كلنا …

زوجي مطوع " متدين " …
يحبني << اهم شي هههه
طيب … دوم يشوف رايه صح والباقي غلط … وابد مايغار … يساعدني

الحين ندخل باللي صار …" المشكله "
فالبدايه اشترى زوجي لاب توب حقه … << زوجي قبل مايعرف سوالف الايميل والمسن والمنتديات
كان بس يدخل وينزل محاضرات ,,,
المهم بعدين طلب مني اعلمه و اسويله ئيميل … وسويتله ئيميل … وقلتله الحين تروم تشارك فالمواقع
لان عندك ئيميل … بعد يومين … اشوف الريال يسهر ويكتب ويكتب وشاد حيله …
بس انا قلت ماراح اساله شو تكتب وشو تسوي عسب مايقول اغار واشك .. خليته على راحته ..
عقب قالي ان شارك ف منتدى " شي عادي مايزعل صح ؟!! "
اوكي بعدين يتم يسولف لي ويقول المنتدى اوكيه ويقول انه يحب يكتب مواضيع لان يحس الناس تستفيد
ويقول انا رديت على مواضيع الناس و ع قولته ينصحهم اذا في شي غلط .. " لاتستغربون لان ريلي قبل مايعرف للمنتديات " …
بنات اخواتي
انا ريلي مدين يعني لحيه وثوب قصير … وزوجي طالب علم شرعي … يعني بيته كله كتب و دروس
ومايرضى بالحرام … بــــــــــــــــس اللي استغربت منه ان المنتدى اللي مشترك فيه منتدى عااااادي بمعنى الكلمه .. والله ثم والله منتدى كله بنات يمكن بس الرياييل 2 او 4 … وتعالي شوفي النك نيمات … دلوعه … عسوله … فديتني … حلوه … " يعني شي يرفع ضغط الزوجه …
بعدين زوجي كتب موضوع فالمنتدى … وكل اللي ردو عليه بنات … بس والله ابد ماقلتله شي
لان شي عادي ومايزعل … ولا منعته … بس كنت مستغربه مع نفسي .. يعني كنت اتسائل مع نفسي اقول انت الحين مطوع شو تبى ف هالمنتدى كله بنات …يعني اللي اقصده شي وااايد مدونة اسلاميه وقويه … بس ماقلتله … خليته على راحته عشان مايقول أغار و امنعه من كل شي … بالعكس كنت اشاركه واقرى عليه وعلمته كل شي عن المنتدى …
بعد ايام قالي انه يطرش رسائل خاصه للبنات و قالي انه يرد عليهم ع مواضيعهم
انا كنت احس انه سخيف وحركته سخيفه … قلتله ماله داعي ترسل عالخاص انت رد عليهم فالعام
رد عالموضوع وخلاص ماله داعي تردسل عالخاص …
قالي لا .. انا اريد انصحهم واطرش عالخاص في كلام ماينقال فالعام .. والنصيحه تكون بالسر ..
وقال مرات ارد عالموضوع ومايشوفون ردي … حسيت كلامه سخيف وقلت له
لو انت رديت والبنت ماقرت خلاص انت سويت اللي عليك والبنت مب مهتمه فموضوعها انت ماله داعي ترسل عالخاص ..
والله يابنات قلتله انت اكتب ورد عالبنات وانصهم لين الصبح بس كله فالعـــام … اما الرسايل الخاصه ابد ماتعيبني وماله داعي …
عاندني وقال انتي تغارين غيره مذمومه … وماتثقين فيني …
قلتله لو اغار غيره مذمومه ماسويتلك الايميل وقلتلك شارك …. ويوم شاركت فمنتدى كله بنات كان عادي عندي مع ان الاولى انك تشوف منتدى اسلامي … وكنت تسهر عالمنتدى وماشكيت فيك ولا قلتلك شي …
المهم بعد يومين كان قلبي ياكلني واحس مخنوقه كلما اتذكر انه يسولف عالخاص او حتي يرسل عالخاص
قلت بدخل المنتدى وبشوف مشاركاته …
تخيلو … كله مشاركاته سخيف وسوالف عامه … يمكن بس فالبدايه كتب كمن مشاركه دينيه وعقب قلبها سوالف ويشارك فاي موضوع …
تخيلو كان شي موضوع شو تحس اذا يتك رساله خاصه … وهل تعرفت على حد عن طريق الرسايل الخاصه …
تخيلو ريلي المدين شو رد ؟؟؟ كاتب """"""""""" وين الرساله الخاصه … محد يعطينا ويه """""
وكاتب موضوع شو الصفات اللي تحبونها فالشاب ؟؟
وبطريقتي الخاصه شفت رسايله لخاصه بين البنات …
كان حوالي 33رساله مع نفس البنت
والبنت تشتكي ومسويه عمرها مسكينه وريلي اونه شاد حيله ويقولها اهتمي بنفسج وفدراستج ..الخ
انا ماريد اظلم زوجي
يعني صحيح ماكان في كلام مغازله بس كان يسولف …
انا قلت لزوجي خليني اشوف رسايلك مارضى قال لا … قلتله اذا الرسايل كلها نصايح و مواضيع دينيه خليني اشوف ليش خايف ؟
بعد قال لا …
المهم تمينا نلف وندور على نفس الموضوع يمكن اسبوع … قلتله انت ليش تزعلني عسب بنات فالنت ومنتدى وهذا انا مامنعتك من انك تسولف وتنصح فالعام … بس اقولك الخاص مايعجبني ..
تم ع نفس الراي… وقال نفس الرد انتي غيرتج مذمومه وماتثقين فيني
آخر شي اتفقنا على الطلاق …
انا مارمت ارقد طول اليوم والظهر قومته وكلمته وقلتله حرام عليك ليش تعاندني … انا حبيبتك وزوجتك ليش تزعلني ومستعد تنهي حياتنا وحبنا عشان بنات ومنتدى … خلاص اذا انا مايعجبني الخاص خلاص عشان خاطري اتركه … وانهرت وصحت قلتله انا اذا اغار هذا من حبي لك انت ليش ماتفهم مايعجبني تسولف مع البنات حتى لو نصايح …
وامس انا ييت بيت اهلي … بالاصح هو طردني … كنت اصيح وابوس ريله واقوله ماريد اروح صرنا مصخره عند الناس … يقول لازم نفترق عشان كل واحد يفكر …
انا الحين فبيت اهلي مستحيييييييييييييييييييييييييييل ارجع له
مستحيل … لو رجعت له بحس بإهانه .. محد يعرف باللي صار بينا …

بنات نحن عايلتنا تغار وايد
ابوي … واخوي … شفتهم يغارون واااااايد على حريمهم
وانا احس اني اغار وايد بس ما احس غيرتي مذمومه … وزوجي عكسي بالمره ابد مايغار …
يعني اقوله رقم غريب يتصل .. عادي مايقول شي … اقوله واحد ضافني بالمسن … مايقول شي
والله مرات اتعمد اقوله خاطري اشوفه يعصب يقول لاتدخلين او ياخذ الرقم يتصل يشوف منو
يعني سبحان الله عكس بعض فالغيره … فمادري هل لانه مايغار يحس اني غيرتي مذمومه ؟؟

بليز بنات انا كنت دوم انسانه ضحوووكه وضحكتي تملا بيت اهلي ….
بس من تنزوجت زوجي وايد عقد فيني … يحسسني اني مريضه نفسيا … او فيني عله …

شو رايكم باللي صار وهل انا غلطان او زوجي ؟؟؟
هل انا مبالغه ؟
وليش زوجي ماترك الرسايل الخاصه ورضى بالطلاق ؟
بليز بليز حطو نفسكم في مكاني … واحكمو وقولو رايكم
انا تعبانه نفسيا .. معد اعرف شو اسوي … حتى ماعرف اذا احبه او لا ..
بليز ساعدوني

احيد الي شرات ريلج من اكثرر الناآس الي يغاروون ع حريمهم او ماآ يعتبرونه من ممتلكاتهمـ الخاآصهـ , ,

الله ييسر لج امورج ويهدي رزجج بس شكله عيبته سالفة المنتدى والرسايل ,

اول مره يجرب هالشي ويحس انه مستاآنس , يعني شي يديد عليه ,