براويكم كيف رتبت العطوور في الغرفه بالصور ،،

شحااالكم بنات وشخباااركم
اللي تبا تعرف شو السالفه تدخل ها الرابط وبتعرف ..،،

http://forum.uaewomen.net/showthread.php?t=437628

انا كنت منزله موضووع واسأل البنات كيف يرتبون عطوراتهم وكريماتهم في الغرفه ،، في وااايد ردوود وتقريبا نص البنات يبون يعرفون ومن بينهن انا طبعاا ،،

البارحه سرت (( ايكيا )) في دبي فيستيفال سيتي وقلت بتمشاا وبشوف اذا شي حلوو للغرفه احط فيه العطوور ،،

المهم حصلت شي انا عيبني بس ماعرف اذا بيعيبكم ولاا ،، انا صورت وقلت لاازم احط لبنات المنتدى علشان يستفيدوون ،،

على فكره بنات انا حسيته وايد اوكي لان تقدرون تشترون طقمين واحد تحطونه ع التسريحه ويكون للمكياج والعطوور ،، واحد تقدرون تخلونه في الكبت وترتبون فيه الملابس الداخليه وهوو عباره عن 6 قطع ،، الـ 6 قطع اللي مثل في الصوره قيمته بـ 39 درهم وفي منه لونين بس (( الابيض والاسود ))،،

هاذا شكله ،،

وهاي صوره قريبه

وهني رتبت بعض العطوور علشان تعرفون كيف المنظر بيكون

وهاي صوره صورتها ع تسريحه الغرفه ،،

وفي واحد من ها اللي شكله مربع حطيته في (( الحمام )) تكرمون وحطيت عليه كريماتي ،،

اتمنا كل وحده تشوف موضوووعي تدعي لي ان الله يوفقني في حياتي ،، ولاتنسوون ترفعون الموضوع ،،

واي استفسار انا موجوده ،،
والسموحه