السلام عليكم ورحمة الله وبركاته ..
اشحالكم خواتي .. عساكم بخير ..
بإذن الله عقب 5 أسابيع بتكون ولادتي .. وحابه اهتم بنفسي بفترة النفاس لأن بشرتي في فترة الحمل طلعت فيها حبوب وكلف بسيط وتصبغات… و وايد أشياء مضايقتني ….
فاليت تفيدوني بتجاربكم خلال فترة نفاس مع خلطات تبيض واهتمامكم بنفسكم … وشو أهم النصائح إيلي ممكن تعطوني ياها وخاصه أن ولادتي بتكون قيصريه …
سبحانك اللهم وأتوب إليك
انتي بتولدين بعمليه
صعبه عليج تسوين الاشيا لان مع الالم ممكن تملين
عموما انا بقولج شو سويت لاني مربيه ف رمضان وللحين ماخلصت نفاسي
اول شي المشروبات عشان حليبج يدر ع طول
انا اشرب مق كبير حليب فرش وفيه رشه من فلفل للاسود وزنجبيل وحبه الحمرا مطحونه
انا طحنت الحبه الحمرا ومن كل مقدار بالتساوي خذيت وحطيته ف علبه عشان يوم افور الخيب احط من هالخلطه
وهي تنظف الرحم وادر الحليب خطي ربع ملعقه ف الحليب ومعلقه عسل كبيره واشربي الحليبه
عندج النعناع انا اخلي الوالده تستخدم نعناع فريش تفوره خالي بس مع المااي واشربه من غير شي يغير ريحه الجسم
اول عشر ايام اشربي حليب وحطي حلبه مطحونه واذا ما تبين حطي زعتر
الحلبه زينه تقوي عظامج
لو انتي عندج المقدره تشترين دبه عسل اصليه كل يوم الفجر فوري مق ماي وحطي ملعقتين عسل كبار واشربي مثل الجاي
انا هالمشروبات اشربهن ع طول النفاس ومرتاحه
لو عندكم حد ايب لج حليب بوش بعد وايد زين اي ويع بيشله عنج
البشره
انتي يبي كركم وسدر وحنا من كل هذيل كميات متساويه وحطي ف علبه
وقبل النوم خذي اللي يكفيج وحطي عليه زيت الزيتون واخلطي وادهني به جسمج كاااااامل قومي الصبح اسبحي وردي سوي هالخلطه
مو شرط جسمج كله انا كنت اسوي المؤخره وبطني وافخااذي
الخلطه وايد نظفت جسمي لاني صدق
تنظف
زيت الزيتون بيغنيج عن كريم الترطيب
ويهج كل ثلاث ايام سوي اسكراب ولاتنسي
رقبتج
اما الماسك يوميا سوي ماسك
عندج
الروب مع السدر
عندج
جونسن الاطفال تخلطينه مع ماي الورد
عندج
الطين الابيض او سفيد اب مع ماي الورد
حاول قبل تبدين خلطات تشلين شعر جسمج
لان جي جي انتي قبل ترجعين بيت ريلج بينبت الشعر وانتي تبين نتيجه اسرع
لو عندج وحده اتييج البيت اتسويلج تشقير لجسمج كامل اسبوعيا مره وايد حلو يبيض
ولو تبين اعرف وحده كانت اتيني بيت اهلي كل اسبوع وتنظف بعد بالحلاوه وتسشور اثيوبيه متزوجه وتشتغل ع حسابها
حاول تسوين زيوت حق شعرج انا كنت اسوي نارجيل اخلي يوم كامل وعقبها اغسلها مرتين اسبوعيا
الحين ابتدين ف الدلكه انا سويتها روحي ف البيت قريتها ف منتدى من كم سنه وجربتها ولقيت لها مفعول
انتي اقري لو عيبتج سوي شراتها اسمه دلكه التحدي
الله لو لقيتي حد يفرك لج جسمج فيها اسميج بتلقين لق
المهم فديتج
الله يسهل عليج
فكري بالمشروبات اكثر عشان الحليب والبشره تالي
وقبل انسى عندج كريم N7 مع سيروم وايد حلو
وهالله هالله بالليفه المغربيه اشتغلي عليها يوميا
تفاحتي مشكوره وايد وجزاج الله الف خير ع نصايح بسيف هالمعلومات واطبقها بنفاس
غناتي دام ولادتج قيصرية اهمممم شي شوفي لج حد يساعدج اول ما تربين ،، مع الالم و الطفل مابتقدرين تركزين ع نفسج ،، لازم طرف ثالث يساعدج ترتاحين شوي ع الاقل و تنتعشين ،،
اما بالنسبة لاثار الحمل ،، حدث ولا حرج انا بعد بشرتي منتهية ،، بس خذت لي خلطة نيل لجسمي و خلطة كريم لويهي ،، والشعر من الحين ازيته وبستمر خلال الاربعين ،، طبعا السدر مفعوله للشعر عجيب وما ننسى حمامات الزيت ،، وبتاكد اذا البروتين للشعر امن للمربي او المرضع بسويه بعد ما اربي ان شاءالله ،،
حافظي بعد ع البديكير والمناكير منعش واايد للريول والاظافر ،، والمساج بتحتاجينه بعد تريحين عظامج شوي ،، خاصة مع سهر الاربعين ،،
بالنسبة للمشروبات ،، ما قصرت الاخت الي فوقي ذكرت كل شي ،، انا اركز ع الحبة الحمرا اكثر ،، واي شي فيه فلفل اسود او جرفه ممتاز ينظف النفس،، والسمج يدر الحليب بعد ،، وفي حبوب اسمها دومبيريدون تدر الحليب نفعتني فبنتي شوي ،،
بالنسبة للقيصرية ،، ماعرف اذا لج تجربة سابقة وياها ،، بس حطي في بالج بتكون حركتج صعبة جدا اول الايام ،، ما بتقدرين تمارسين نشاطاتج بشكل عادي ،، فاستبعدي المشد تماما هالفترة وحتى الرياضة استبعديها اسابيع ،، واهتمي ان الجرح يلتءم ويتعقم بشكل اساسي ،، في محلول تعقيم للجروح ممكن تاخذينه من الصيدلية عشان تمسحين ع الجرح بعد السبوح وتطمنين منه ،، تجنبي الحركة العنيفة والشل والحط عشان ما تتبطل عليه العملية او يهبط عندج الرحم ،، الفترة هذي جدا حساسه
ممكن بعد تاخذين لج اندروير للاستخدام الواحد ،، يكون مثل الشاش خفيف ومطاطي وفري سايز ،، ما بيضغط ع العملية وبيريحج فالتبديل
هذا اللي يحضرني الحين واذا تذكرت شي ثاني بكتب لج
L6afy مشكوره يالغاليه وماقصرتي بس سؤال؟
أنا شعري مب خشن بس مجعد وأبي بروتين للشهر أو كريم فيه كراتين عسب استخدم لشعري فترة نفاس لأن كل حد بيني واب يشعر يكون مرتب ..
وشي الثاني ريولي جافه وخشنه في فترة الحمال وماعرف شو استخدم لها .. حاليا احط لها فازلين رغم أني ماحب الفازلين
الترطيب الترطيب الترطيب
اي كريم او اي ماركه انتي ترتاحين لها
والمشوربات البنات ما قصرو
بالتوفيق والله يقومج انتي والتوم بالسلامه