لو سمحتوا بس ابي اعرف شو الاحسن للعملية القيصرية البنج النصفي ولا الكامل فيدوني بتجاربكم ما بقى شي على موعد العملية
انا الصراحه مرتين جربت النصفي ومرتين الكامل احس الكامل احسن بالنسبه لي والله يقومج بالسلامه
النصفي احسن لج انتي والياهل لانه الياهل بيظهر نشيط اما اذا سويتي الكامل بيظهر خمول واايد بالياهل وبعدين الكامل عادي يسوي لج انتفاخات وترجيع وغيره من دوخه
اما النصفي عادي مريح صح انج تشوفين من يدخل عليج من دكاتره وغيره بس حلوو يوم تتريين الياهل عشان ادري مابيكون فيج صبر بتبوسينه مثلي ههههههههه وماراح تحسين باي الم غير يوم يطهرون الياهل تحسين جنه حد يلعب كوره داخل احساس مايعور لااا بالعكس ونااسه هههههه انا كنت اظحك
وانا ويا الاخت ام شمسان ..انا جربت الكامل 3 مرات والنصفي اول مره اجربه ببنتي فديتهاا ..
بس نصيحه سوي النصفي لانه بيكون اريح لج انتي ما بتحسين طول الوقت بالخمول شرات يوم يكون بنج كامل..
صح انا خفت في البدايه <<<< روحي من النوع الخواااف 
وشرات ما قالت ام شمسان ما بتحسين الا يوم يطلعون الياهل :::: يعني مب الم لا ..بتحسين انه كوره تلعب <<مقوله ام شمسان….انا اول شئ خفت بس عقب قالتلي الدكتوره احنا نطلع البيبي الحين..
ودكتور البنج وحليله ما قصر ويايه وفهمني كل شئ وقالي مثلا اذا سمعتي صوت قوي لا تخافين هذا مال الاجهزه واذا حسيتي بشئ يتحرك في بطنج او يهتز فهذا يعني انهم يالسين يطلعون البيبي…
والحمد الله مره على خير وشفت نور عيوني فديتها الميث الله يحفظهااااا..
توكلي على الله وسوي البنج النصفي والله اريحلج..
رأيي الشخصي النصفي<< مثل ما شرحت الاخت أم شمسان
نصفي كفايه انج تشوفين النونو وتسمعين صوته يصيح احساس روعه ما بعده احساس 
الي سمعته انه الحين المستشفيات بس تسوي نصفي،،،
يقولون وااايد أحسن من الكامل،
بس الله أعلم