انا أم ومثل كل الامهات حريصه على حياة واستقرار اولادي احب انهم يرتاحوا
في حياتهم ويعيشوا بسعاده وراحه بال
حياتي مع زوجي موفقه ولله الحمد .
ابني الكبير عمره 22 سنه خاطب وانا من اخترت له العروسه
على حسب المواصفات اللي يبيها وكان له شرط انه مايبي دكتوره ولا
موظفه تشتغل شفتات لان هو طبيعه عمله شفتات فصعب انهم يتلاقوا الا بالصدفه
عشان كذه هو مايبي بس عادي عنده لما تبي تدرس وبعدين تتوظف مافي مشكله
خطيبه ابني تشكي لي وتقول انها تحس ان ابني مايشاركها او مايسألها لما تقدم على
الجامعه ( قدمت في كذا جامعه وماقبلوها وهذا الشي مأثر في نفسيتها وايد ) وتوصفه انه
جاف وياها ومو مثل المخطوبين يعني مايكلمها في التلفون الا
للظروره وتحس ان هذا الشي مسوي حواجز بينهم
كل اللي ذكرته خطيبه ابني صحيح هو فيه صفه حتى في البيت مايسأل عن الاخبار
ينتظر اي حد يعلمه بدون مايسأل لان حياته بين العمل والجلسه مع اخواني والاهل والقليل
من الاصدقاء يجتمع معاهم في الديوانيه او يجلس في البيت هذا هو نمط حياته اللي ماشي
عليه
ولدي من النوع الفرفوشي يحب يسولف ويضحك والقعده معاه ماتنمل بس سبحان الله
كل انسان وله عيوب
المشكله وين ؟
انا اخاف ان ابني مو مرتاح مع خطيبته لان هو من النوع اللي مايتكلم وحتى لما اسئله
ماراح يقول لي الحقيقه لاني احسه دايما لما أسأله عنها يقول لي هذي ماأدري شفيها
ويسكت وأسأله مررره ثانيه يقول لي مأدري يعني مايعطيني شي مفهوم انا احسه ان هو
موب عارف يتعامل معاها او هي مش فاهمته
مثل ماتكلمت عن صفات وعيوب ابني راح اتكلم لكم عن خطيبه ابني انا احسها انسانه
هادئه وطيبه وأحسها انها متمسكه في ابني وتحبه بس ماتعرف كيف تتعامل معاه هي
من النوع الحساس وهذا الشي مأثر على علاقتها بأبني وبأمها وأختها وأبوها هي قالت
لي انها تحس نفسها غريبه في بيتهم وماحد يفهمها ودائما يفهموها غلط والكل ضدها
انا حاولت معاها وفهمتها وقلت لها ان العيب اللي مخرب علاقتها مع اهلها وخطيبها
الحساسيه الزايده
ابيكم تنصحوني كيف اتصرف مع ابني وايش انصح خطيبته على شان العلاقه تكون بينهم
صحيحه ويعيشوا بسعاده ويرتاح بالي
للملعلومه الخطوبه من( 3 شهور)
ولكم مني كل الشكر والتقدير
حبيبتي….. باين جداً ان ولدج ماله بالبنات… وما كانت عنده تجارب قبل…
فهالسبب اللي مخلنه يعتبر خطيبته انسانه عادية حالها حال الربع… ويعاملها معاملة مقبولة…
لكن المشكلة تكمن في خطيبته… (هي مش قادرة تتفهمه) وكله تبغي منه يعطيها الحب والاهتمام والكلام المعسول
اللي هو ما تعّـــود عليه من الاساس وماله خبرة في هالشي…
انا نفسي كنت واااااايد اشد على ريلي في فترة الملجة وكنت ابكي ليل ونهار واقول انه ما يعاملني معاملة واحد راغب فيني و يحبني….. وهو كان يفهمني انه صعب عليه يعطيني اهتمام وكلام حلو صبح وليل لأنه مش متعود….
الحب ايي بعد الزواج والاهتمام كذلك…
فحاولي تصبـــّــرين خطيبته وتفهمينها انه بيتعود وبيتعلم منها هي…
خليها هي اللي تبادر باهتمامها واتصالاتها و الهدايا وغيره…
وبالتالي هو بيبادلها بنفس الشي
وجنبيها انها تنتقده وتبين عيوبه جدامه…لأن هالبنت بسرعة تطيح من عين الريال….
والبنت الصبورة والمتفهمه….او اللي تحاول تكون متفهمه…يحطها الريال فوووووووق راسه
والله يوفقهم يااارب
وقليل التجارب ومع الايام راح ياخذون على بعض لانه مثل ماقلتي ماعنده تجارب وأكيد
الحياه تعلم الانسان وتخليه يتأقلم مع الوضع
لك مني كل الشكر لمرورك وردك
تحياتي
فعلا عطيه وقت عشان يتأقلم وان شااء الله خير وباين على خطيبة بنتك طيبه لكن ولدج بس يباله يفضفض ويفهم خطيبته
الله يسهل لكم امووركم ياارب
تحياتي
الغاليه انتى غلطانه فتحتوا باب المكالمات قبل العرس لانه يسبب مشاكل انتوا في غنى عنها
المعاشره غير الوحده تعرف طبع الريال زين
اما بالتلفون ودون معاشره للحياة اليومية صعب جداً يفهمها وهي تفهمه
فهميهم الاثنين ان المكالمات شي والعشره شي ثاني..
ولازم الدنيا اخذ وعطى..وفهمي الطرفين..يعني لازم بتحسسون من بعض بس لازم يتغاضون عن الامور البسيطه مب كل شي يتم في الخاطر ويزعلوا منه
والله يتمم مابينهم على خير ان شاءالله
احنا عندنا ما نتكلم ويا بعض الا بعد الملجة لان ايام الخطبة ما يجوز، و هذه اول المشاكل، لازم تقعدين ويا ولدج و تشوفينه اذا يبيها ولا لأ ، عشان ما تندمون بعدين، و دام ان علاقتج زينه بالبنية فهميها ان ولدج جي طبعه.