حذف الموضوع بواسطة نــــوره
السبب: الرجاء عدم كتابة مواضيع تسيء لبنات الكليات أو أي إماره محدده .. حتى لو كان هالشي فعلاً حاصل في كل مكان الصالح و الطالح
قريت هذا وانا اتصفح فالمنتدى يعني معقوله هذا رد الاداره والمشرفات؟ عيل ليش حاطين مجلس عام ومناقشة المواضيع الجاده وماعرف شو والا هذا بس خرابيط!!! يعني بس عنواوين وممنوع كل شي@@
اذا فالمنتدى ماتخلونا نرمس عيل ماتنلام الحكومه اذا ماعطتنا ويه وست لرمستنا حساب
هذا من ضعف الايمان!!
غريب هالمنتدى
اختي المنتدى ما منع حد يرمس
بس حرام التشهير في المكان الفلاني
صار الشيء الفلاني
وشيه صار سمعة المكان ****ه
ويوم حد يتحدث عنه ايقولون هيه والله قاريه في المنتدى ان المكان الفلاني شيه وشيه
حرام على البنات يشوهن سمعت المكان ويستخفن بالاسم
فيه تفاح خربان يعني المكان خربان
واحسن يوم حذفوهن
ابويه هذا ذمن الفتن شوه نسوي 
المنتدى تحذف المواضيع الي فيها مثلا شفت بنات ف المكان الفلاني ويعني من هالمواضيع لانها اول تعطي منظر غير حضاري ف بلادنا يوم الوحده تحدد المكان وثاني شي واهم شي الضرااااااااااااابه الي كل يومين محتشراااااااات ع موضوع يتضاربن فيه
الله يهدي بس
ومشكوره
زين سوو الاداره =)
اعرف وحده ريلها طلقها لانه سمع ان سمعه الكليه مب اوكيه .. و حتى المتنقبات فيه اونه من تحت لين تحت .. !!
يعني شو ذنبها و هي شريفه و مب من هالنوع .. ؟؟
خافو الله =)
السمواحه بس هاي ريلها مب صاحي!!!!!!!
بس بعد مب معقوله كل ماستوا نقاش حاد انحذف الموضوع!!!
انا اقول بعد احسن انهم حذفوا الموضووع لانه في ناس تتأذى من هالمواضيع واحنا مب حاسين
واعتقد انه الموضوع خذا حقه وزيااااااااااده فأحسن انه تم حذفه …
والصراحه وانا اقرا هالواضيع احس مابها حلول ع كثر ما فيها اهانات للمكان والناس .. والنقاش له اسلوب واحس في بعض البنات مب كلهم ما عندهم اسلوب فالنقاش .. اعتقد انه لازم يكون في احترام وعدم تجريح عسب الوحده منا تتفهم الموضوع والمشكله وتتقبل النصيحه بدون سب وتحسب ع المكان والبنات واهلهم
والله يهدينا ويهدي بناتنا اجمعيييييين
يا خواتي…
النقاااااش مسموح بس بحدود….
ايلس سب امارة معينة عشان فئة صغيرة ما تمثل الامارة؟؟!! ما يستوي
ايلس اسب كلية أو جامعة عشان كم بنت مب محتشمات!!! ما يستوي
دشيت مكان حكومي عام.. وشفت بنية فيها وفيها … ما بطبق هالكلام على الكل…
كلنا نحب المناقشة ونحب السوالف… بس مب لدرجة السب والقذف…
مؤسسة ما وظفتنا ما بنيلس نقول فيها وفيها…
شخص يشتغل في مؤسسة ما رد علي بطريقة زينة … ما بسب المؤسسة واللي يشتغلون فيها بكبرها…
بالعكس انا اشوف المنتدى فتح باب النقاش في مواضيع واااااايدة…
شي مواضيع ما تعيبني … ويوم اكلم الادارة عنها يقولولي لأ مافيها شي.. خلاص .. الادارة ابخص…
وشي مواضيع تستاهل انه نتكلم فيها… بس بعد بحدود…
شي بنات محافظات.. وشي بنات متحررات..
شي بنات متعلمات .. وشي بنات تعليمهم على قدهم..
شي موظفات … وشي ربات بيوت…
شي آنسات.. وشي متزوجات.. شي مطلقات .. وشي أرامل..
يعني المنتدى فيه شريحة كبيرة من المجتمع… يهمنا ندخل ونسولف ونتناقش في همومنا… بس بدون تجريح
اانتوا تبون نفتح المجال في كل شي وبدون حدود؟؟؟ ما يستوي..
لأنه وايد مواضيع جلبت ظرابة بسبب انه المنتدى سمح بالمناقشة المفتوحة…
في حدود يا بنات ما نقدر نتخطاها… عشان نقدر نتعايش في مجتمعنا….
انا بتكلم عن عمري…
وايد اشيا مب عايبتني في شغلي… افتح موضوع اسب شغلي…
في اشيا مب عايبتني في ناس حولي… افتح موضوع واسب هلي وصديقاتي…
بالعكس… عندي مشكلة.. بناقشها وياكم… باخذ آراءكم… يمكن في نقطة من النقاط ماشفت الصح جدامي… أو العناد اللي في راسي اعماني عن الصح.. مافيها شي اذا وحدة منكم شارت عليه.. بالعكس .. بحس انه نحن خوات وقراب من بعض..
أما سالفة تشهير وتشويه وذم … لأ… لأ … لأ
وبالأخير هذا راي شخصي.. انا ما اتكلم كمشرفة… اتكلم كعضوه ادخل هذا المنتدى بشكل يومي