اشحالكم ياحريم ويابنات
انشالله تكونون بصحه وعافيه وسلامه..
بصراحه عندي استفساروان شاءالله اللي عدها خبره تفيدني..وترفع موضوعي ولو بدعاء..
انا حامل بشهري الثاني ولازمني وجع اسنااااااااان فظيع
طبعا ماكنت اعرف اني حااامل لانه بالبدايه فرحت لطبيب الاسنان وطبعا اخذت ابره للالتهاب لا شو ابره الا ابرتيين
وفوق هذا اخذت مضاد حيوي وبروفيين لمدة اسبوع وكل هذا وانا ماعندي خبر بالحمل
وطبعا خلص الدواء فبديت اسكن الالم ببروفين لمدة اسبوعيين يعني 3 اسابيع وانا حقل تجارب بكل هاي الادويه وبعدها عرفت اني حامل فبدت الصدمه لي اني انا قاعده اكل بالحبوب وانا ببداية حملي وكل هاي الادويه خطررررررررر عالجنين..
طبعا سالت الطبيبه وقلت لها اني اخذت الادويه فقالت لي انها فعلا مب زينه اول 3 شهور والحافظ الله…
سوالي منو صار لها مثلي واخذت مضاد حيوي ابره او حبوب او بروفين وهي حامل وشو جنينها تاثر به والا لاالحمد لله لاني وااااايد خايفه خاصه ان الدكتوره بشرتني اليوم اني حامل بتوام..
الله يجزيكم خير طمنوني ..ترى وااايد احاتي… وسلامتكم
ان شاء الله ما يضر حبيبتي وانا ما عندي خلفيه بس حبيت ارفعلج الموضوع
اختي يعتمد على نوع المضاد اللي اخذتيه وعلى كم اسبوع في الحمل مر ..وكلي امرج على الله
انشالله ماعليج الا العافيه
انا يوم كنت فالشهر السادس سويت عمليه ربط .. وكان بنج كامل تخيلي !!
و عطوني عقبها مضادات حيويه نوعين و مسكنات ..
ولله الحمد .. فطيم انولدت مافيها شي ..
وهم يعرفون اني حامل واتوقع لو تضر مابيعطوني اياها ..
اسالي الدكتوره وهي بطمنج بس البروفين خطر على الحامل وعسب عوار الضرس خذي زيت القرنفل من الصيدليه وايد زين ويسكن الالم
الغاليه انا بعد في الثاني وياني وجع ضرس يوم العيد والتهاب في اللثه ،، والدكتور يوم عرف اني حامل مارضى يعطيني مسكن 
،،، بس عطاني مضاد اسمه اغومنتين وقال لي ما ياثر على البيبي وانا بعد اتصلت بدكتورتي قالت لي عادي هاذا المضاد ،، وخذته ،،، ايماني قوي بالله انه ان شاءالله باذنه الواحد الاحد انه البيبي ما يصير فيه شيء
اللهم يا ارحم الراحمين يا مجيب دعوة المضطرين ياذا الجلال والاكرام ارزق اخوتي بالذريه الصالحه المعافاة
يارب فرح قلبهم بالذرية الصالحه،،، يارب فرح قلبهم بالذرية الصالحه ،،، يارب فرح قلبهم بالذرية الصالحه
يارب لا تحرم اخواتنا