السلام عليكم
شحالكن خواتي عساكن بخييير ..
حابة افضفض لكن لا اكثر هيه مب مشكلة بس جيه ابا اعبر اماية بتسافر عالمغرب اليوم ماعرف
اول مرة بتسافر مب متعودة انها بتغيب عنا 20 يوم !_! لو اقدر جان سرت وياها بس ماخذة صيفي
في الجامعة عشان جيه ماقدر اسير وياها وخاصة من كثر ما اسمع عن انفلونزا الخنازير انه منتشر
خايفة وايييني وسواس ماروم امنعها لانه عقب 22 سنة بتشوف اهلها وفي نفس الوقت ودي اصيح
مالنا غيرها في هالدنيا قولولي كيف اتحمل هالايام الله يعلم بالحاال وبشتاق لها وايد يمكن غيري
يشوفه شي بسيط بس انا اشوفه شي كبييير نحن كلنا بنات في البيت محد عندنا وامي بتسافر هي
ما ودها بس غصبن عنها تبا تشوف يدي ويدتي وهم كبار في العمر !_! ساعدوني فديتكن ابا حد
يخفف عني ولو بشي بسيط
والسموحة
الله يردها لكم بالسلاااااااامه 
حبيبتي انتي والله حــــــــــاسة بإحساسج لأني مريت فيه .. صارلي ظرف ولا قدرت اسافر مع امي
وكان قلبي متقطع ع فراقها لأن مب متخيله شهرين ما اشوفها … أول الايام سويت مناحة بس بعدين تعودت ع الحال ودام انتي ماخذه صيفي
صدقيني بينشغل وقتج وبيمر بسرعه .. ربي يردها لكم سالمه يااارب
لا تضايجين ولا تخلينها تشوفج وانتي بهالحال .. ادعيلها وربج كريم : )
هاي ظروف الزمن ولازم نتقبلها
ادعيلها بان الله يردها بالسلامه
وان شاء الله بترد ولا تنسين فرحتها من فرحتكم…
تروح وترد بالسلاااااااااااامه
حتى انا امي مسافرة من شهر تقريبا لظرووف ونفس الحالة >.<
والحمدلله ع كل حال
حاسه فيج فديتج
يوم اتوفت يدتي من شهرين امي سافرت مصر سرت وياها بس رديت وهي تمت شهر ونص
وتوها راده وتبي ترد تسافر مره ثانيه
الله يعينا
الله يردها بالسلامه