الســلأألأأااام عليكم ..
شحالكن بنات عساكن بخير وسهاله .., امم بغيت اتخبركن حد ميرب كيراتين
خاطريه اسويه ومتردده .. ابا اعرف شو فايدته ..
انا شعريه ناعم بس لاني متزوجه هب فايجه دوم اسوي استشوار وغيره ف حبيت اعالج شعريه وبنفس الوقت يكون ناعم
اي وحده ميربه اتخبرنيه ..
ممم واللي يعرف اي صـالون ف راك يضبط سالفه الكيراتين زين يفيدنيه …
مشكوورات حبايبيه .. يعني باختصار ابا اعرف الايجايبات والسلبيات وللعلم انا من استويت صبغت شعريه لونين ومرتين اول مره بني وعقب 4 شهور رديته اسود واحس وايد خف عن قبل واستوا خفيف .. يعني ضعف
ساعدوني يعلكم الخير …
والسموحه ع القصــــور
حبيبتي ادخلي علي صفحتي وانتي تعرفي كل شيء عن الكيراتين
ممكن اتشوفين تجارب البنات في المنتدى …
حلو الكيراتين انا دوم اسويه كل ست شهور تقريبا
شعري مايحتاج سشوار ابداا ابدا
ينعم ويلمع الشعر وفيه حيوية ويزيل النفشة 
اهم شي هالنفشة تكونين مسشورة وطالعة ع الرطوبة يصير بهدلة
انصح وبشدة بترتاحين
موووفقة
ف راك عند اج تو او دار العرايس للتجميل
روحها نصحتني فيه قلت ابغغي وحده مسوتنه عندكم ابا اجوف شعرها
وبالصدفه دخلت وحده قالت لها تعالي راوينا شعرج
بصراحه روووووووووعه روووووعه بعد حمستني
بس مادري لو ينفع للحامل ولا لا
(الدوره متاخره ادعولي اكون حامل)
موووووفقة
الكيراتين رووووعه للشعر