الفزعة ياأهل الخير

السلام عليكم ورحمة الله وبركاته ..
خواتي العزيزات حابة أكتبلكم عن جارتنا وإذا الله راد ..تكون لكم اليد بإنفراج كربتها ..
جارتنا مقيمة في الإمارات أكثر من 30 سنه ..بس للأسف أحوالهم المادية صعبة وايد وايد .. ماأعرف بتصدقوني إذا أقولكم وصلت أنهم يتمون أسبوعين بلا أكل عدا ( البراتا )صبح وظهر وليل..
وللأسف درينا بهالشي عن طريق الصدفة ، هم الصراحة ناس متعففين جداً وعمرهم ماشكوا لحد حالهم .. حبينا نساعدهم وقدرنا نجمهلهم مبلغ قدروا فيه يدفعون الكهربا اللي تمت منقطعة عنهم يومين بهالحر ..وهم ساكتين !!

الأب يوصل عمرة للستين عاطل عن العمل وديونه توصل لل50 ألف فيه الظغط والسكر والقلب ودوالي في ريولة .. الإيجار تقريباً من 5 شهور مودافعينه أقساط مدرسة عيالهم أكثر من سنتين يدرسون بلا شهايد ..
عندهم أربع عيال كلهم صغار ..
الصراحة حابة أنكم تساعدوني على إعانتهم اللي تقدر تتبرع بمبلغ مادي على قدر الحال أو أي مساعدات ممكنه .. عالأقل أنهم يظهرون شهايد عيالهم ويفرحون فيهم ..أو أنهم يأمنون أكلهم وشربهم لهالشهر ..

قلبي يعورني عليهم ..ماكنت أتصور أنه توصل الحال في ناس أنهم مايلقون الأكل حتى ..
حاولوا يوصلون لجمعيات بس مافي فايدة محتاجين لوساطة ..الله يرضى عليكم اللي تقدر تتوسط لهم بأي جمعية يجزيها الله ألف خير ..

يعني تخيلوا معاي ..لا أكل مثل الخلق والكهربا تنقطع عنهم بأي وقت وسيارتهم خربانه ومنتهية والإيجار متراكم وبينطردون والمدرسة مانعة عنهم ياخذون الشهايد والديانه يطالبونهم من كل مكان ..

تصدقون يوم درينا بنفس اليوم جمعنا المبلغ وكان وايد بسيط وكنا وايد مستحيين منها بس من شافت البيزات تمت تصيح .. من كثر حاجتها للدرهم شافت البيزات بكبر الدنيا ومافيها وسيدة سارت خذت راشن للبيت ..
اللي ماتقدر تساعدها بأي وسيلة تكفيها بدعوة صادقة من القلب أن الله يفرج عليهم حالهم ..

اللي بأيدها تسوي الخير تتواصل معاي عالخاص ..

وأتذكروا