اول شي كل عام وانتن بخير
وثانى شي حبيت افيدكن بتجربتى مع الشبه والمسك
الشبه والمسك مزيل الرائحه الرسمي عندي من وانا بالثانويه
كنت قبلها استخدم مزيلات العرق المختلفه واشل بالحلاوة..بس اسمرت المنطقه بشكل فظيع
عقب نصحتنى حرمه بالشبه والمسك ..بس الوالده فضلت انه تطحنه بالبيت
غير انى غيرت وقمت اشل الشعر بالماكينه…الحمدلله عقبها رد لون المنطقه موحد
اسمع البعض يتشكى من انه يسود الابط ويحسس المنطقه
يمكن لان الاغلبيه تشتري المطحون الجاهز..ومايندرى شو حاطين فيه
نصيحه لكم اشتروا الشبه والمسك من عند العطار او محلات العطور
بس لاتشترون مطحون..لا اشتروه مثل ماهو نفس الحجر
وبالبيت انتي اطحنيه بالكميه اللي تبيها ..الشبه وعقب المسك..وحطي في العلبه اللي بتستخدميها نص من مطحون الشبه ونص من مطحون المسك واخلطيهن عدل
وعقب كل سبوح خذي بطرف صبوعج ومسحي تحت الابط
ريحة المسك الخفيفه تمسك في ثيابج وفيج..والشبه تريحج من الريحه
بس اهم اهم اهم اهم تحذير لاتحطين اي مزيل رائحه وانتى شالة الشعر الا بعد 24 ساعه
اتحملوا هال24 وعقب حطوا..واذ بعدج تحسين المنطقه ملتهبه ومتحسسه من عقب الشل لاتحطين شي..الا بودر اطفال اذا حبيتي يخفف الالتهاب
لان اذا حطيتي شبه او اي مزيل رائحه يسبب السواد بهالمنطقه
وهذه صورة المسك وصورة الشبه لتوضيح اذا سرتوا للعطار..ومر ثانيه اقول اشتروه نفس اللي بالصوره لاتاخذن مطحون..
هذه صورة الشبه..تشبه الملح الحجري
وهذا المسك شيبه الشبه..بس الفرق ان لونه مايل للصفره..وريحته خفيفه..بس عقب الطحن تبان ريحته
وهنيه صورة اوضح للون المسك
وأي سؤال حاضره .^_^.
يزاج الله خير عزيزتي
عاد انا بخبركن عن فايدة ثانية للشبة … من غير اي اضافات
اذكر وانا صغيره قريت في مجلة للبنوتات.. انج اذا شفتي الشبه في خليط الحلاوة.. بعد كل مره تشيلين فيها شعر ايديج بتلاقينه يخف..
عاد كل ما حاولنا نبضط الخلطة انا وامي ما يصير…
لين ما استسلمنا…
وسبحان الله وانا اتابع قناة البدر.. كانت وحدة تتشكى من كثافة شعر ايديها وريولها.. جان يقول لها الدكتور..
بعد ما تشيلين الشعر
دلكي ريولج بماي… يعني نظفية مع التدليك وحركي الدورة الدموية في ريولج وايديج.. وعقب نشفي الماي.. وهاتي الشبة الاصلية… واقعدي افركي في المكان كله… افركي لين ما انتي تملين ^_^ يعني كأنج تسوين سكراب… بس قعدي افركي .. لكن لازم تكون ايديج وريولج ناشفين من الماي…
وقال بعد مره او مرتين بتلاحظين ان الشعر بدا يخف ويقل عدده.. وتأثيره شرات الليزر ^_^
عاد انا الحين ما ينفع معاي لان مو كل الشعر عندي يطلع من جذوره.. حتى الدكتورة قالت لي .. مالج إلا الليزر.. وحالة جلدي الله المستعان
بس محتاجة دعواتكن عزيزاتي
مشكــــــــــــــــــــورة حبوبة على الافادة..
ويعطيج العافية..وجزاج الله خير….
^______^
انا ماستغنى عتها خاصه انها طبيعيه وبدون مواد عطريه ،، واايد مرتاحه لاستخدامها ،،
بس في الفتره الاخيره قمت اخلط الشبه مع كريم جلسوليد ،، لاني يتني حساسيه والحساسيه
مب من الشبه لأ ،، الحساسيه يتني بعد ماشل الشعر واحط ع طول شبه اهني قمت اتحسس عشان جذيه قمت اخلطها مع كريم ،،
وتبين الصراحه ومافي احسن من الشبه ،،، يزاج الله ألف خير ع الموضوع ،،
انزين يوم نخلط الشبه والمسك
مانضيف شي ثاني عليهم ؟؟
جزاك الله خيرا === وانا اقول ليش مال السوق المطحون ما احس انه منه فايده == الحين عرفت === ما ادري كيف اشكركم على هالمعلومات القيمه — ان شاء الله في ميزان حسناتكم خواتي
مشكورة الغاليه وبنوتات ع المعلومات ^ــ^
يزاكن الله خير