بنات مثل ما هو مبين في العنوان ربيعتي قالتلي اسأل لها عن الجو في المانيا لانها تبا تسافر مع امها علاج وهي توها مربيه ولدها عمره 25 يوم والسفر بيكون بعد ما يكمل شهر ان شالله
يعني بيكون بعده ما كمل الاربعين
شو رايكم ؟؟؟؟؟لانها خايفه من الجو ع الياهل
وهي لازم تسير ويا امها لان امها ما عندها غيرها تسير معاها
الي في المانيا الحين تقولنا شو الجو هناك وتقول لربيعتي نصايح عشان ولدها لانها وايد متخوفه وما تقدر تخليه وتسافر عنه تخاف العلاج يطول
الجو باااااااااارد درجه الحراره 1 و بالليل توصل تحت الصفر .. احس حرام تشله في هالبرد .. على الاقل لو بو 3 شهور يمكن
الجو عندنا في ميونخ بردددددددددددددددددددددددد درجة الحراره 2فوق الصفر حراااااااااااام تشل هالياهل معاها
برد وايد درجة الحرارة بالنهار ما تتعدى 5 وبالليل تنزل تحت الصفر
وبعض المناطق بدت تثلج
اذا بتشل الياهل وياها خل تاخذ لبس ثقيل بس ما تكثر من البلاد
اللبس الثجيل اللي باوروبا احسن ويناسب بردهم اكثر
وخل تييب له العربة اللي فيها النايلون مال المطر + فيها مثل اللحاف جيه يغطيه عرفتي؟
ولازم يتغطى كامل حده قبعة واوفراول اللي يغطي كامل وجاكيت غليظ من توصل المطار
في المستشفى وفي السكن الجو دافي مب مشكلة بس المشاوير برد حيل
هلا اختي مثل ما قالولج الخوات الجو واااايد باااارد انا من ثلاث ايام في ميونيخ الجو وااايد برد واليوم
طاح ثلج وانا شاله بناتي وياي والحمد لله ماخليت جاكيت ولا قفازات ولا زلاقات مالبستهم اياهن من البرد خلها تتحمل من الطلعات يفضل اتم في الشقة اغلب الوقت لانها ادفى للياهل وانا شاله الفكس ويايه طول الوقت افرك بناتي اخاف يمرضون والله يستر ادعوا لبنتي ان الله يعافيها ويطمني عليها ان شاء الله