شخباركن وعلومكن
موضوعي شوي حساس لبعض الفئات بس لازم اتكلم واتمنى ما يضايقكم كلامي
بتكلم عن الخطوبه يعني اللي تنخطب
فيه بنات ينخطبن ومن اييها الريل تبدا مرحلة استخراج المشاكل بدون سبب
يعني اطلع في الخاطب ستين عله وتيي تقول : انا خطبني واحد وكل شي فيه زين بس المشكلة مب هني المشكلة مثلا فرق السن أو فرق الطبقات أو فرق وفرق أو قصير أو طويل
ما يحمدن ربهن أبدا ويقتنعن بنصيبهن تبدا بخلق المشاكل من قبل الزواج فقط في الخطبه وبعدين تكتمل المشاكل لين بعد الزواج
يا بنات قولن الحمد لله والله شي بنات غيركن شفقانات عالريل وما انخطبن وعدن سن 25 و الـ 26 سنة وفوق وانتي توج عمرج ما تعدى 19 سنة ولا اقل منها ومب عايبنج شي
اللي يخطبها واحد زين وأخلاقه زينة ودينه اهم شي عنده توافق ولا تتردد واطلع فيه عيب وتحمد ربها انها انخطبت
والله يوم اقرا مواضيع البعض تيني غصه منهن مب حاقده ولا شي بس قلبي يعورني لأنها تتكلم عن مشاكل تافهه ما تستاهل لو تغاضت عنها بتعيش حياتها مرتاحه ومستانسه
الله يهديكن ويوفقكن ويرزق كل بنت ما عرست بالزوج الصالح وانا وياكن ياااااااااااارب
للرفع
يعطيج العافية حبوبة
آلله يهديهم
و آلله يرزقنآ بآلزوج آلصآلح يارب 
أختي الغالية ..
كلامج عقل صواب .. لكن في اخوات ما يدركون الامور فيستوضحون الامور ..
وربي يسرلج ويوفق جميع الاخوات بالريل الصالح ..
و آلله يرزقنآ بآلزوج آلصآلح يارب
صح في اسبآب اتكؤن تافهة
بس في بعضها مهمة مثلآ لو البنية ما ارتاحت لشكله
كيف بتقضي عمرها وياه ؟؟
النفسية تلعب دور كبييير في الحياة
مثلا لو وحدة قالت الفرق بينا سنة ومشكلة ومااعرف شو
انا اشوف تفكيرها تافه
بس لو يت وحدة اتقول هوفي الخمسينات وانا بعدني ما وصلت العشرين شو رايكم
هني اشوف انها صدق محتاية حد يرشدهاا
يعتمد ع نوع المشكلة
ومب شرط من حد يخطب الوحدة لاز م تركض واتوافق علييه بدؤن ما اتفكر من كل النواحي
اللي اتسوي جييه
هاي اللي تندم وتاكل الهم والغم لانه في البداية بس كان همها تتزوج
مافكرت الريال كيف وشقايل
وبالاخير
الزواج قسمة ونصيب
اتمنى اني وضحت لكم وجهة نظري
والسموحة