بهالموضوع بنتكلم عن كحال العين
الموضوع من اصعب المواضيع لانه الصراحة للحين ما حصلت جحال داخل العين ملون حلو
خلونا نشوف الاي لاينر السائل
طبعا من جربت برجوا اغناني عن اي اي لاينار فصرت ما اخذ غيره والحمد لله مرتاحه له
اول شي سواد فاحم
ثابت ما يتشقق ولا يطير بسهولة
مناسب للعين الحساسة (لاني جربت كذا كحل وكله يسوي له احمرار وانتفاخ ويحرق لما احطه على خط الرموش مثل نيفيا وريميل )
فرشاته ممتازة للرسم وما تخترب مع الاستخدام
جربت لانكوم ما ياز لي احس الكحل لزج وايد ويبهدل
جربت جيفينشي حلو وخفيف بس سواده مب فاحم وبسرعه يطير لما تعرقين ينمسح على طول مدري عاد اذا الحين عدلوا منتجهم اولا
جربت ايلف وبرجوا نوع ثاني ما عيبوني
هني صورهم
أما كحل داخل العين (الكحل الجاف)
افضلهم بالنسبة لي ريفيلون
سواد فااااحم وسهل وما يخوز ولا يخف لونه مع الوقت كرييييييمي جدا يسيح لو حطيتيه من غير بودرة على ويهج
ثم بريستيج كاربون بلاك من الكوليكشن اليديد
سواد فاحم كريمي ولكن ما يسيح كثر ريفيلون
ثم ريميل اليديد
سواده فاحم مب كريمي وايد وما يسيح وايد
مااك
زوين
مب هاك الزود اسود فاحم يعني الماركات الي ذكرتهم فوق ريميل وبريستيج وريفيلون واايد افحم عنه
ما يسيح وايد
جيفينشي ما ينفع استخدمه للحواجب وايد خفيف ويابس
لانكوم ماحبيته معرف ليش انا لانكوم مول ما ابلعها مدري ليش ما يعيبني شي منها ابدا
لاحظوا انه للحين ما حصلت الحكل الي سواده فااحم وكريمي وما يسيح مول كلهم يسيحون بعد فترة بالذات مع الحر والدمع وبالذات لوما تحطين بودرة تحت جفونج
أما الكحل الكريمي
عندج ماك ولوريال وبرستيج لا تروحين تدورين غيرهم
اما الكحال الملون وهني عوار القلب عاد
للحين ما حصلت الوان داخل العين اقلام جافة قوية وثابته
جربت لوريال تقريبا هي احسن ماركة بس عاد ما عندها غير 3 الوان كلها ترابيه وغامجة بني وزيتوني وكحلي اظن
ان واي اكس وبريستيج
ان واي اكس الوانهم فاقعه حلوة لكن تنمسح بسرعة وعلى طول (مب كل الالوان في الوان تثبت اكثر عن غيرها)
اما برستيج ثباته اقوى شوي عن ان واي اكس
تقريبا احسن ماركة عندي برستيج من ناحية الالوان وتنوعها وثباته داخل العين وقوة اللون
وططبعا شي ماركة مس اند ميسس من المعارض
قوية لكن ما تنفع داخل العين نفس عيب ان واي اكس تسيح وتنمسح بسرعه من داخل العين
خبروني شو تجاربكم
اقلام الكحل الملون انا خذت من برجوا اللون الازرق والاخضر لداخل العين وارتحت لهم ويتم اللون ف العين وما ينمسح
الأسود الفاحم واللي يثبت من ماركه معروفه اسمها ديانا اوف لندن
والملونه برجوا بالدرجه الاولى والثانيةN07
يعطيج العافية حبوبه
جربت الكحل القلم من داخل العيني من ريميل حلو وقوي
وبعد برجوا جربته زين
مشكوره حبيبتي سيفت كذا شي وبجربهن
وبخصوص ديانا اوف لندن بعد البلشر مالتهم حلوه
شكرا حبيبتي موضوعج مفيد وحلو
المشاركة الأصلية كتبت بواسطة عطر رومانس 
بجرب بورجوا انا مدري ليش للحين ما جربتهم
المشاركة الأصلية كتبت بواسطة ماحد شراتي والملونه برجوا بالدرجه الاولى والثانيةN07
يعطيج العافية حبوبه
بجرب بعد ان زيرو 7 اما ديانا اوف لاندون ماحبيتها وايد
خذت منها بلاشرات وشادو زوينين بس مب واو وخذت فاونديشن مول مب شي بس بجرب اقلامهم
المشاركة الأصلية كتبت بواسطة ميميه88 وبعد برجوا جربته زين
مشكوره حبيبتي سيفت كذا شي وبجربهن
وبخصوص ديانا اوف لندن بعد البلشر مالتهم حلوه
العفو الغالية
المشاركة الأصلية كتبت بواسطة يحـــــ ام يى العفو الغلا
روووووووووووووعه مواضيعج ما شاء الله
سلمت اناملك ^_^