السلام عليكم خواتي شخباركم عساكم بخير اسمحولي على غيابي الفترة المضت لاني كنت تعبانة وايد واتوقع اطلعتو على قصتي بموضوع سابق واعيد مختصر عنة
اكتشفت بعد مدة من زواجي ان ريلي يخوني مع وحدة من اصدقائنا مع العلم هي متزوجة وعدهة عيال وعرفت الموضوع من خلال جوال ريلي وايميلة لاني وجدت اتصالات وايد لرقم هذي المرة وبعد شفت ايميلات عنها وكله كلام بين حبيبين (حسبي الله عليها) المهم صدمت بوقتها وبكيت دم وسالت بنات المنتدى هل اصارحة بالموضوع ام لا
فيهم من قال صارحي وفيهم من قال زيدي جرعة الحنان عساه يتركهة
قررت اني ما اصارحة حاولت وحاولت زيدت جرعة الحنان ولاقصرت معا بحاجة ابد وبنفس الوقت اراقبة بس مع الاسف في يوم من الايام لقيت الست راسلتهة صورهة بوضعيات مع الاسف
اني بعد ماتحملت الموضوع وانفجرت بويههة على عملتهم الاثنين معا
طبعا اول الامر انكر الامر ولكن مع معرفتة اني اعرف اموووور وايد عنهم بطلت حجتة تم ساكت ومصدوم
المهم بعدها جاني وضل يتوسل فيني اني اسامحة وخبرني ان هذا الشي ميتكرر ابدا,قلت بعطي فرصة لاني حسيتة نادم بشكل كبير وحس بذنب
المهم صار بعدها غير واحد من كثر الطيبة والحنان وحاول انه يسعدني ويهون علية حتى اني اتعجبت من تصرفة الحلو معايا صار احسن من قبل عند بداية الزواج وصرت فرحانة بهالشي
ولكن يافرحة متمت حسيت انه راجعلها واتاكدت من هالشي
خبروني شو العمل وربي تعبت من التفكير وحتى ثقتي فيه اختفت , بديت افكر ان حياتي بدونة اريح على رغم من حبي الكبير له وصرت افكر ببنتي لو كان الموضوع علي كان تركتة ولكن حرام علية والبنت شو ذنبهة والله ماعرف كيف اتصرف ساعدوني ربي ميحرمني منكم يارب
مع العلم اني ماتكلمت مع المرة ولا خبرت احد بهالموضوع غيركم ومالي غيركم بعد الله
لاني لو خبرت الوالدة اني متاكدة ماتخليني عند ريلي دقيقة واحدة لانها ماتحب تصرفاتة معايا
خبروني العمل ؟؟ طيب اصبر علية بعد والى متى وشو رايكم اني اتكلم مع المرة واخبرها تبتعد عن ريلي او حتنكر الموضوع
انتضركم رجاءا ابي حل عسى ربي ميحرمني منكم
اختكم مشتاقة لطفل
كنت مشتاقة لطفل والحمدلله والشكر له رزقني به والان اشتاق الى اخلاص ريلي 
والله الصراحة مادري شو اقولج انتي انسانة طيبة ومتحملة عشان بيتج ما يخرب
بس نصيحة منى رمسيها وقوليلها انج اتعرفي عنها وقوليها لو ماتركت ريلج انج بتخبري ريلها واهلها وبتفظحيها
وقولي حق ريلج انج عرفتي عنة وبتخبري اهلة و اهلها هيه الي ماتستحي حسبي الله عليها
هدديهم لا سكتي اكثر من جيه….
بس هدديهم ولو مانفع عرفي انة هو ما يستاهلج لا دخلي اهلج ولا اهلة من اول مره الي اذا خلاص ما انحلت المشكلة دخلي الاهل
لان الاهل ساعات مايتفاهمو ؟؟؟؟؟؟
والسموحة حبيبتي
الله يفرج عن همج الغالية …..
غاليتي 
ما عرفت صراحـة شو أنصحج
ان انتي ما منج قصور وسويتي الي عليج
بس ريلج مصر على هذا الشي
فبيدج تصبرين أو تغيرين
ما أعرف شو أقولج أكثر
لكن لو في حد من أهله أو أهلج هو يستحي منه خبريه بالموضوع عسب يكلمه
لعل وعسى هالمرة يتوب
وحاولي تساعدينه يتقرب من الله أكثر واستغفري غاليتي
ولو شفتيه أختي ماشي فايدة هو طيب ويخون
ما أعرف اذا تقدرين بس أقول اقترحي عليه الحلال ..
أعرف صعبـة لكن تصونين نفسج من الأمراض وريلج من الفساد
والله المستعان
لا حول ولا قوة إلا بالله
الغاليه وحده حقيره نفس هاي المفروض ماتستكين عنها ابدا
عندج الادله وهدديها بها او خبري زوجها بطريقه مايعرف هي على علاقة بمنو
مع اني افضل انه يعرف بس عشان ريلج يتادب ويحرم يفكر يخونج مره ثانيه
حسبي الله عليها عندها بيت وعيال وزوج وتخون! هاي المفروض ماتسكتين عنها
وتواجهيها بكل صراحه وبدون اي خوف ولا تخبرين حد من اهلج لانه ممكن توصل للطلاق
لانه اهلج مستحيل يرضون عليج بس هاي بنت ابليس لاتسكتين عنها وواجهيها ودافعي عن حياتج
والغلط مب بس منها الغلط من ريلج لانه عطاها المجال انها تدخل في حياته وتخربها
الله يكون في عونج عزيزتي وننتظر نسمع الاخبار الطيبه
سبحان الله وبحمده