التدخلات .

يعني قبل محد يخصه فيج..
وعقب تحسين كله يبون يدخلون..
وتكونين وياهم في السليم..

أنا من يبت أول بيبي لي وأنا مب قادرة أتحمل تدخلات أهل زوجي…
بس أنا ما عطيتهم الفرصة.. أبا أربي ولدي على راحتي..

أنا بصراحة وايد حساسة.. وهم مب مراعين هالشي..
هم طيبين وياي بس ماحب تدخلاتهم..

استويت وايد أتحسس.. وأحس اني تغيرت عليهم.. لأنهم هم اللي جبروني أكون جي
بصراحة من البداية كانو يحاولون يدخلون بس ما عطيتهم الفرصة..

عطيه مرضعه.. ليش تعطينه مصاصة ومادري شو..
حليبج ما يكفي.. انتوا شعرفكم يعني..
ضايج من الحجرة طلعيه.. يمل منج وم حجرتج!!!
وتدخلات الأكل.. أه منها..

ولدي كمل سنة وشوي ماشاء الله عليه.. وأنا أربيه بدون مساعدة بشكارة..
فوايد أحاتيه ومتعلفتبه.. الحمدلله .. ما اصبر عنه..

وبعد تحسون مب يايزلهم..تحسين يبونه طول الوقت عندهم..
انزين انا ماقدر ابا اخذ راحتي بعد..

لأني بصراحة بدون وجود البشكارة لأزم أسوي كل شي بروحي وأنا ماخذ راحتي الا في حجرتي..بحكم وجود الأولاد في البيت..
والشيلة الكريهة اللي لازم تدبسين فيها..

عودت ولدي على نظام معين.. ومرتاحة.. صح اني تعبانه بس مستانسة من عمري..

طبعا بنزل أوقات الغدا أو العصر أو والمغرب..بس اطرشه قبلي ساعات اذا بغوه.. بس اغلب الوقت وين أنا موجودة هو وياي..

انا مرتاحة من اللي اسويه.. وما اشوف اني اسوي شي غلط..
هو ولدي ..أنا اللي تعبانه عليه..ومحد يعرفله غيري..

ساعات م كثر التدخلات كنت أحس اني ابا اصيح ابا اشتغل وبخليه عندهم عشان ما يطفروني..

بس صدق صدق ماقدر أخليه هني وأشتغل..

إذا بخليه بخليه عند امي لأنه امي غير..

أتمنى اني اشتغل في مكان فيه حضانة.. عشان اودي ولدي وياي وافتك من التدخلات..وأسوي اشياء يديدة وأغير روتين حياتي
.. لأاني صدق أكره يلسة البيت لو مب ولدي.. جان كملت ماستر..
ولو بيتي بروحي كان الوضع غير..

أهل الزوج يابو عيال وربوهم على كيفهم..

خلونا نربي عيالنا على راحتنا..
ليش يحسون ان نحن ما نعرف شي..؟؟

؟؟؟