بنات شالسالفه مب عارفه شي وماعندي حد يفهمني
شنو الاشيا اللي الريال لازم يدفعها ؟؟
المهر والشبكه والمقدم والمؤخر والعرس
وماادرري شو شهالسواالف ؟؟؟ حد يخبررني
وَذَا النُّونِ إِذْ ذَهَبَ مُغَاضِباً فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ
وينكم؟؟؟؟؟؟؟؟؟ظ
مرحبا
الريال يدفع عن كل شي المهر و الزهبه و اييب الشبكة للعروس و يسوي العرس
و الموخر لا سمح الله فحالة الطلاق يدفعه للحرمة
انزين كم لازم الريال يكون عنده حق العرس ؟؟؟
وشالفرق بين المهر والزهبه ؟؟
والشبكه كيف اسعارها ؟؟
المهر والشبكه وحفله الملجه .. كم تقريبا يكلفون ؟
بليييييييييييز ضروووري
الزهبة نفسها الشبكة
وكل واحد على مقدرته
المهر شرط من شروط العقد
الزهبة او الشبكة غير ملزم بها، لكن في العرف الزوج يقدم شي لزوجته مثل الذهب
او عندنا في الخليج يكون ذهب وعطور وملابس (فساتين جلابيات قمصان نوم عبايات بدلات شنط احذية) بعض البنات يفضلون جذي اللي شاكة في ذوقها او تكون بيتوتية وماتعرف للأسواق او ممكن لأنها تستحي تطلب فلوس الزهبة
وممكن مايجيب شي من الزهبة غير عقد وساعة اللي بتلبسها العروس يوم العرس ويعطي العروس فلوس تشتري الزهبة على ذوقها و راحتها وهذا المفضل لأغلب البنات
المؤخر جزء من المهر في الامارات يحق لها تطالب المؤخر في اي وقت ومايشترط الطلاق لحصولها على المؤخر
اذا توفى الزوج،، قبل توزيع الورث يعطى للزوجة مؤخرها الأول ثم توزع التركة
للزوجة حرية الاشتراط على الزوج في عقد الزواج من ناحية المهر (تاخذ منه مقدم،، والباقي مؤخر) او ( تستلم المهر مقدم كامل،، وبدون مؤخر)
واذا للزوجة شروط ثانية من ناحية النفقة وغيره ممكن تشترط قبل العقد ويثبت في عقد الزواج
مثلاً تستلم ربع راتبه او دخله شهرياً،، او يعطيها مبلغ وقدره ؟ عن كل طفل تنجبه؟
وعلى راحتها بالمعقول والمقبول
والمسلمين عند شروطهم
المهر بشكل عام في الامارات 20,000 مقدم و 30,000 مؤخر
و ممكن اكثر او اقل حسب الاتفاق
تشتري منهم لنفسها الزهبة
او ممكن يعطيها زيادة للزهبة
راجع لمقدرة الزوج والاتفاق
بالنسبة لترتيبات العرس من وليمة و كوشة وغيره من ترتيبات الحفل
غالباً على الزوج
او ممكن الزوج يعطي مبلغ واهل العروس يزيدون من عندهم عشان يسير العرس افخم واحلى
كله على الاتفاق والشروط والمقدرة