كيف الحال ,, ان شاالله بخير
حبايبي : بنتي من كم من يوم صاير عندها امساك اعزكم الله ,, والله اني ماخليت شي ماعطيتها اياه ومن دون فايدة ,,, تقطع قلبي عليها من الصايح تصوروا انها تتعصر بالحييل لين مااطلع وبعد يطلع معاه دم !!!!
عمرها عشرة شهور وارضعها واعطيها اكل طبعا صحي ,, ابدا مااعطيها حليب صناعي أو الاشياء اللي تنباع بالاسواق ,,, كيف اتصرف ,,, ذاك اليوم وديتها المستشفى فعطاني تحميله حقهاا وبعدها اصبحت بخير وبعدها بفترة رجعلها الامساك !!!!!!!1
شو اسوي ؟؟؟ شوروا عليه … وين عالجها , حد يعرف عيادة او طبيب زين حق العيال في العين ؟؟؟؟ غير غالب او نبيل وخالد الجمل …
وانا بنتي تعاني من الامساك من كملت السادس ..
حطيتلها تحميله وعطيتها دوا وشربتها اعشاب وغيرتلها الحليب وماشي فايده
واليوم الصبح نشت تتعصر جان احطلها زيت زيتون بالقطن وحركته شوي وسوتها وارتاحت الحمدلله ^_^
جربي وشوفي وان شاء الله يفيدج هالشي
وحاولي تكثرين من السوائل
شو رايج اني مسوتلها مثل ماتقولين البارحه….. واليوم نشت من النوم تتعصر !!!!!!!!
تقريبا جربت كل الطرق ومافادها شي …. ليكون الضروس هي الللي تسبب الامساك!!!!!!!!!!!
اللي اعرفه تمشي البطن ماتيبسه!!!!
جربي الصابونه .. و عصير البرتقال
عصير البرتقال وكثرة الماء زين …
واذا بنتك تحب الحلو اعطيها سكر نبات بعد ما تقسميه لحبات صغيرة ( سكر طبيعي مثل البلورات).
واذا ما نفع اعطيها نقاط زيت السمسم مع العصير او الحليب بصورة مستمرة ( يرطب المعدة وجيد للعظام)
للاطفال فوق سن السنة ممكن اضافة كمية صغيرة من العسل مع العصير او الحليب و شراب الاعشاب الطبيعي ..
والله يشفيهم
المشاركة الأصلية كتبت بواسطة TaRgEt 
بدل الصابون يباع في الصيدلية تحميلة الجليسرين وحسب الفئة العمرية ( اكثر امانا)
حيث توضع للطفل ولمدة خمس ايام فقطا صباحا … و اذا استمر الوضع يعرض على الطبيب المختصر
شوفي الغالية انا بخبرج عن تجربتي:
انا عندي ولد عمره تسعة شهور (الله يخليه) واعالجه عن الدكتور علاء في المركز الطبي السويدي. وهو اللي عطاني طريقة للامساك لحد ما افتك ولدي منه. مع انه استمر معاه تقريبا اسبوعين.
كان يقولي عطيه تحميله جلسرين يوميا على اساس يتخلص من البراز المجمع في امعائه. بالاضافه للمسهل اسمهduphalac اربعه ملي مرتين في اليوم.
وعطاني مرهم بيبانثين احطه في فتحة الشرج علشان يخفف الالم اللي يسببه الامساك.
بالنسبه للاكل قالي وقفي العيش والتفاح والجزر.
وعطيه كوكتيل فيه برتقال وعنب.
وقالي لو قدرين تغيرين الحليب وتعطينه نوفولاك آي تي المخصص للأمساك بيكون احسن بس ولدي ما طاع يشربه. بس الحمدالله افتك من الامساك الحين.
إن شاالله اكون افدتج الغالية.