السلام عليكم و رحمة الله و بركاته
خواتي أنا أفكر أسافر لندن شهر 1
بس متردده لأنه ولدي بيكون عمره سنه و أربع شهور و أحس انه ما بيتحمل البرد و أخاف يمرض
شو رايكم ؟؟
هو الجو بارد وايد بس كذا حد سافر الجو ما يممرض نفسنا يوم يتغغير الجو او يبرد يمرضون
يعني تلبسينه وايد غليظ وخذي النايلون الي يحطونه على القاري عن المطر هو مب وقت مطر لكن هالنايلون يخلي البيبي دافي في القاري
مرحبا الغاليه انا وديت بنتي وعمرها سنه ونص الكل تحرظم علي بتمرض ومن هالكلام بس الحمدالله دثريتها لامرضت ولا شي بلعكس بردهم مايمرض مول توكلي وسيري
الله أكبر كبيرا والحمد لله كثيرا ،، وسبحان الله بكرة وأصيلا
انا سافرت لندن وكان عمر بنتي 7 شهور تقريبا
و الحمدلله ما مرضت ولا شي .. بس المهم انك تدفينها زييييين و لبسيها الاندروير حق البرد وفوقه لبس شتوي بنطلون و بلوزة وفوقهم جاكيت يدفي من داخل
و لبسيها الكاب و الكفوف .. وما بيصير لها شي باذن الله
رحلة موفقة
خلي معاك ماي ساخن دائماً موجود حافظة للماء للسفر تحفظ الماء الساخن او البارد في اي ماكس
خذي وحدة وخلي فيها ماء حار دايما وسوي لها اشياء دافية وانتو تتمشون .. مثلا حليب او شاي البابونج للاطفال مثل امبرس عشان تكون دافية من داخل و بنفس الوقت يفيدها و يمنع عنها المرض ان شاء الله
واكيد لازم تسوين شنطة اسعافات اولية وتاخذين فيها مخفض حرارة و دواء للكحة مثل البروسبان و كريم الحفاض و الحساسية و بندول و غيره و حطيها في شنطة الطيارة للشحن
ما بسمحون لك تطلعينها بشنطة محمولة بالطيارة
اذا خاطرك اتسافرين توكلي على الله ودفي الطفل