السلام عليكم
شخباركم كروشات 
عندي استفسار يا ريت كل حد يتفاعل و يعطيني رايه عشان نفيد بعض ، مع انه اعتقد ها الموضوع انطرح قبل بس عشان نستفيد اكثر
انا الحمدالله حامل بالشهر الثالث وانا فعليا من امارة دبي بس معرسة في راك و طبعا محتارة وايد لانه اول حمال لي و ما اعرف شي عن راك ، فشو رايكم بنات راك و دبي وين تنصحوني اربي في صقر او امارة دبي بحكم المسافه و لازم كل ما اراجع اضرب خط و انا وحده اداوم في نفس الوقت 
السلام عليكم ورحمة الله وبركاته ,,
اختي الصراحة يمدحون مستشفى دبي بحكم العناية .. عن راك ماعندي خلفية الصراحة بس اسالي بنات راك اللي كانن مربيات .. وبحكم المسافة افرضي الطلق ياج في راك فيعني اجباري اتسيرين راك .. مسافة لين دبي بتكونين مربية في الدرب … افتحي ملف للمراجعة في دبي وتابعي الحمل وملف في راك ومنها تضربين عصفورين بحجرواحد ..
شكرا اخت ترنيمة النود على الرد بس احس نفس الشي اذا فتحت ملف في راك و دبي لازم اراجع في مكانين و تعرفين الدوامات كيف ما يراعون و لا بيعطوني اجازات هل كثر
و ان شاء الله بنات راك يفيدوني بعد 
مدري بس خالو تمدح مستشفى لطيفة من ناحية العناية والاهتمام وانا شكلي بربي بصقر وله سلبياته سمعت من اكثر من وحده ان البي بي مالها طلع فيه كسر بسبب الدكاترة اللي هناك اما من الشد او طاح من ايدها وفي منهم يمدحون صقر يقولون على حسب الدكتورة اللي بتولدج ..بس انت قلت انج موظفة فصعب تروحين دبي عشان المراجعه ولا تنسين زحمه المواعيد..ما اقول الا الله يعينج ..نطري لين ما اولد وبقولج تجربتي عن مستشفى صقر
الله يسهل عليج Ayo.oma وتربين بسلامه انتي والبي بي ان شاء الله وتكون تجربه زينه *_*
ابــــــــــــــــــــــــــــــــــــــــــــــــ ــــــــ
الغاليه
اختي ربت بصقر و ربت ب دبي وخالتي ربت بالوصل
صقر الاسوء بس نيرساتهم اوكي
دبي ممتاز
الوصل انتي وحظج و اغلبهم مستعيلين و يقصون البطون
و استخيري
وعن المراجعات يكفي تفتحين ملف وتراجعين مره وحده وبس