السلام عليكم ورحمة الله وبركاته
حبيباتي من وجهة نظركم شو اجمل قاعات الاعراس ف بوظبي ؟
واذا قدرتوا اذكرولي السعر التقريبي .
انا افكر ب ريتز كارلتون لكن طلع جداً مكلف ؟
430 للشخص .
بليز فيدوني .. كم شخص تقريباً ينعزمون ف الاعراس؟
هل 300 شخص كفاية !! لاني حضرت عرس من فترة بسيطة وحسيت العدد ما يتعدى 300
ف ليش اسير ادفع عن 500 شخص مثلاً .
ملاحظه : انا بخاطري عرس فخم وبنفس الوقت بسيط .
وفوق هذا مابا ادفع مبالغ خيالية واكلف ع الريال 
هم طلبوا مني احدد القاعه وما ذكروا سعر محدد بس بعد يهمني اختار شي معقول
وشكرررراً لكل وحده بترد وبتمر الله يرزقها اللي بخاطرها ويسعدها
مرحبا الرتز غالي على الفاضي عندج قاعة ارض المعارض للاعراس معقول سعرها اقل عن ١٠٠الف تقريبا
واذا ودج ارخص قاعة المشرف وتضم عرس الريال والحريم حلو فيها يمكن اقل عن ٣٠ الف تقريبا
ونادي الضباط عندج بعد سعره ارخص من الرتز بوااايد هي اسعار الحجز والبوفيه الخاص بهم من دون الكوشه وملحقاتها والعشاء … من ٣٠٠ الى ٤٠٠ شخص يكفي وزود ٣٠٠ اذا وقت اجازات والعالم مسافره احسن
والله يديم الافراح ان شاالله علينا وعليكم