السلام عليكم ورحمة الله وبركاته
شحالكم الغاليات
ابغي مساعدتكم في ترتيب مشتريات الزهبة اذا كان المبلغ 35000 درهم بس مب من ضمنها الفستان والذهب والمكياج والحنا (( للعلم العروس بتسكن مع اهل الزوج يعني بتحتاج الجلابيات والخوار)) وبكووون شااااكرة لكم
اكتبي لستة الاغراض بعدين وزعو المبلغ على اظرف يعني حطي المبلغ المناسب وكتبي ع الظرف الشغلة اللي بتشترينها
موووووووووووووووفقة
ربي يوفقك اختي
اهم شي تقسمين الفلووس اول وعقب ابدي بالشراء
موووووفقة
لا تنسين آلة براون لتنتيف الشعر واااايد مهمه
بتحتاجينها في وقت الظروره < خاصه اذا سافرتم بلاد برى مثلا !
و خذي لوشنات الجسم من بودي شوب .. لاااتكثرين .. اثنين ولا ثلاث يكفي ( سبري جسم+شاور جيل+بودي كريم) و ليفة يد عشان الجسم يكون ناعم
خذي على قدج لا تاخذين غاااالي .. خلي الغالي حق بعد العرس
حاولي تقتصدينهن عشان ماتعقين فلوسج على شي ماايسوى وتندمين بعدين ..
اول شي ابدي من الأهم الى المهم
ابدي من المغربي و المخور و بعدين العبي و النعول و بعدين الاكسوارات و العطور
مووووووفقه بإذن الله و الله يتمملج على خير ^^