السلام عليكم ورحمة الله
الغاليات حبيت اعرف شو فضل سورة البقرة والاستغفار وياريت كل وحدة تكتب عن تجربتها لاني ابغي استفيد وغيري يستفيد ,,,,,,
أنا تأخرت بالذرية .. و سمعت أن سورة البقرة و الاستغفار ، وااايد تنفع لهالامور ..
فــ شريت 2 CD سورة البقرة للقارئ ماعر المعقيلي .. و حطيته في سيارتي و سيارة ريلي .. و كنا نسمعها دووووم ، و أنا رياحة الكلية و أنا راجعه ..
بعد منزلتنها ع لابي .. دوووم اشعلها .. و الحمدلله ..
و بعد كنت دووووم استغفر بنية الذرية .. و أصلي قيام الليل .. و كانت عندي ادعية بخصوص هالموضوع
و سبحان الله .. سويت هالشي بس شهر وااااحد .. و الحمدلله ، الله رزقنا بأحلى عبادي في الدينا ..
الله يحفظ لنا و يساعدنا ع تربيته تربية إسلامية ..
مع العلم .. يوم روحت المستشفى لمرور سنة كاملة ما حملت ،، فسوولي فحوصات شاملة ، مال الاهذي لتهابات و التوبيض وووووو .. و طلعت عندي بلاوي .. لكن سبحان الله .. سبحان الله .. سبحان الله .. سبحان الله .. سبحان الله
هذي قصتي بإختصار ^_^
انا من كثر ما استغفر احس انه تنفتح لي ابواب يمكن ما انفتحت لغيري الحمد الله
الحمد لله من كثر الاستغفااار الله رزقني بالريال اللي اتمناه .. وفتح لي باب الرزق .. ولله الحمد
واماااايه بعد صبرت وكانت وايد تستغفر عشان ابويه يودر السجاير واطيح عن الديون .. والحمد لله ابوي الحيين لايدووخ وطاحت عن الديون..
فاكثرواااااااااااااا من الاستغفار
وااااااايد حلو موضوعج 
أنا سمعت وايد قصص وشجعتني وحاليا توني بس أحبي بادية من يومين والله كريم ..
دعواتج لي بالذرية الصالحة المعافاة….
انا استوتلي اشياااااا زيينة واايد بعد ما بديت استغفر يوميا..وهذي المواقف اللي اتذكرها
الموقف الاول:-
كان عندي امتحان science وكنت مب فاهمة الدرس ابد .مب عارفة شي فيه
كنت مضايجة وشوي بصيح..قبل لا ارقد قمت استغفر تلقائيا..ماعرف شو استوالي..فجأة استغفر
المهم حلمت حلم واايد حلوو..ويوم يا وقت الامتحان قمت احل واكتب ونا مستغربة من عمري
ويت نتيجة الامتحان علامة كاملة وانا مصدووومة..
الموقف الثاني :-
ضاعت كتبي الانجلش(كتابين)
والله اسبوع حست ودرت عليهم .دورت فالبيت .دورت فالكلية بس ما حصلتهن
ومسؤولة الكلية حشرتني وسوتلي سالفة ع الكتب وحصلت تهزيئ محترم منهم..وفالاخير قالت ما يخصني فيج دبري عمرج
المهم قبل لا ارقد قمت استغفر والله يا بنات اليوم الثاني يا الاستاذ وقالي يودي هذي كتبج ..حصلتهن فمكتبي…جاااان انصدم واستانس فنفس الوقت..
وهي بعد من كثرة الاستغفار ..انهالوا الخطاطيب علي >>>ههههههه بس ما استوا نصيب ويا اي حد منهم
الحمدلله استغفر يوميااااااااا
وهذ طريقة استغفاري
مسباحي تحت مخدتي وكل يوم قبل لا ارقد اقعد استغفر
نفس حالتكم الواحد يوم إيكون جريب من الله يعطيه كل الي يتمناه ووربي عطاني كل إلي تمنيته والحمد الله على كل حال