السلام عليكم خواتي
بغيت اعرف هل في احتمال الوحده تربي طبيعي من بعد القيصري ولا لاء؟
واذا لا كيف كان الطلق وياج هل الجرح تأثر او لاء؟
خواتي بليز ابغي اعرف والوسواس ذابحني
ويزاكم الله الف خير…
للرفع
ما عندي فكرة أختي .. بس حبيت أرفعلج الموضوع يمكن حد يعرف ..
الله ييسر لج أمورج ويوفقج ^_^
يااااااااااريت اقدر أفيدج لاني ابصرااحه ابا افيد نفسي بعد .. انا هذا اول حمل لي وقرروا يولدوني بقيصريه نظرا انه الياهل معترض فبطني .. فبغيت اني اعرف هاي المعلومه حق الحمل الثاني بإذن الله …
بنااااااااااااااات ردوووا مايصير جيه .. عالأقل ارفعوا الموضوع حق الإخت ..
مرحبا الغلا
انا حملي الأولي كان قيصري لأن يوم ياني الطلق
البنيه تعبت في لطني ونبضها قام يضعف
فقرروا يسوون قيصري لأن الولاده في البجر إتطول يلين ما يتوسع الرحم لـ 10 سم
وأنا كنت توني 2 سم
وألحينه حامل بالثاني ومثلج متوتره بس كل الدكاتره طمنوني وقالولي إذا الله راد بربي طبيعي
لأنه المشكله كانت مش فيه يعني
حوضي ما كان ضيج على الياهل والسبب كان من البيبي نفسه
وقالولي إذا تم الياهل بصحته ومرت الأمور على خير
بربي طبيعي بإذن الله
…
وألحينه بنتي عمرها سنه وخمس شهور وأنا ألحينه في شهري الثامن
والعمليه ماتبطلت ولا شياته
بس دكتورتي نصحتني إن عقب هالبيبي أوقف عن الحمل لمدة سنتين إلى 3 سنوات..
وسلامة راسج يالغلا
هلاااااا حبايبي …
انا ربيت بعمليه ويوم ولدي كمل 6 شهور حملت وتميييت واااايد أحاتي وكنت خايفه ان العمليه تتبطل لأن الدكتوره قالت لي الأفضل انج على الأقل تكملين سنه بعد العمليه … بس سبحان الله قدر الله وما شاء فعل .. حملت والحمدلله ربيت طبيعي بس كان مكان العمليه يحرقني في الشهر الثامن والتاسع ووقت الولاده بعد كنت احس ان العمليه بتتبطل … بس الحمدلله عدت على خير …
ولا تحاتون ان شاءالله تربون طبيعي وبدون عمليه ..
واختي حرم الحارثي تقدرين تتلاحقين على عمرج وتسيرين عند الدكتوره زينب في دبي تسوي مساج للبطن وتعدل وضعيه البيبي ويقولون بعد لو تحبين (أقصد الحبي مثل اليهال يوم يحبون ) وايد زين لأنه يعدل من وضعية البيبي .. وإن شاءالله تربون كلكم بالسلامه وبدون عمليات …
وبعدين يعتمد على سبب العمليه … يعني لو كان سبب العمليه صغر حجم الحوض هني غالباً تكون العمليه هي الملجأ لأن الياهل ما يقدرينزل نفسه في الحوض نظراً لصغر حجمه ..
إن شاءالله أكون افتدكم … وبنسمع آراء الباقيات والمجربات
حسبي الله لا إله الا هو عليه توكلت وهو رب العرش العظيم