أغراض البيت والخدامة

حابة نتكلم عن موضع الأغراض الاستهلاكية والأكل والأغراض اللي نشتريها ونحطها في البيت،، على سبيل المثال: أدوات النظافة من معجون أسنان وفرش وفوط الدورة الشهرية وغيره، والأكل اللي دايما موجود في البيت بسكون جبس حلاوة وغيره من هالأشياء اللي عادة ما تكون موجودة في البيت

اللي أبغي نتناقش فيه: هل عادي الخدامة تاخذ من كل شي على كيفها بدون ما تستأذن؟؟ أو إن لازم ربة البيت اتنبها لضرورة الاستئذان؟؟ وإذا الحرمة نبهتها واكتشفت انها تاخذ بدون استئذان شو اللي المفروض اتسويه؟؟
أنا بتكلم عن نفسي، أنا أشتري هالأغراض وأحطها كلها في المطبخ وهو حق وقت الحاجة وأنا أشوف انه لازم تستأذن، يعني مثلا فوط الدورة الشهرية أنا أكيد بعطي الخدامة بس هذا ما يعني انها تاخذ بدون ما تخبرني،، غير اني مرات أشتري شغلات حق اليهال، يعني مب حلوة أيي أشوفه مب موجودة وبصراحة استحي اقول لها ليش خذتيه، المشكلة ان الواحد ما بيمنع بس بعد مب كل مرة يشتري ويرد ما يحصل يشتري ويرد ما يحصل،، وأحس فشلة الواحد يتكلم بالأخص إذا كان موضوع أكل،،

فشو رايكم انتو وكيف تتصرفون في هالموضوع؟؟؟