فيليه السمك مع الخضار ع الطريقة الصينية ^^

:

السلام عليكم و رحمة الله و بركاته ،،

طبخة اليوم لذييييييييييذة وريحتها لاتقاااوم
والأهم انها مفيييدة ^^

فيليه سمك مع الخضـار ع الطريقة الصينية :

المقـادير :
فيليه سمك .. وانا استخدمت كريم دوريس ..
موجود ف كارفور .. من اسمه كريم مثل الكريمة أبيض ولذييييييييييذ

ثوم ، زنجبيل ، فلفل حار ،
صويا صوص ، اويستر صوص ، زيت سمسم ،
خضار مشكلة ومقطعة ،
جزر ، بروكلي ، ملفوف ، بيبي كورن ، مشروم ، فلفل بارد وممكن نستغني عنه !

الطريقة : سهلــة وسريعة
أول شي نقطع السمك مكعبات صغيرة .
ونقطع الخضار كلها ، مثل الصورة

ماكان عندي ملفوف للأسف !

..

ف القـدر .. نحط زيت زيتون و نخليه يسخن ونضيف له الزنجبيل والثوم ( نبشره ) + الفلفل الحار
و نضيف الصويا صوص والاويستر صوص وملعقة زيت سمسم ،

بس نخليها تسخن شوي ونضيف السمك

خليت الزنجبيل مقطع بالطول عشان نميزه ف الأكل خخ

نقلب السمك تقريبا 4 او 5 دقائق وبسرررعة بيستوي ،
وبعدين نحطه ف صحن على طرف ،

ف نفس القدر الي طبخنا فيه السمك .. باقي آثار الزيت والصوص اكيد
نضيف عليها الخضار .. اول شي الجزر ونقلبه فترة
وبعدين نضيف الفلفل البارد وبعدين البروكلي وبعدهـا بشوي نضيف البيبي كورن
وآخر شي نضيف المشروم ، ونقلب ..
انا اقلب الجزر 3 دقايق تقريبا وبعدين اضيف الي بعده واقلبه شوي وهيك ^_^

و نشوف اذا تحتاج صويا صوص زيادة نحط ،

وبعدها نسكر ع الخضار شوي عشان تستوي على بخارها ونخفف النار ع الآخر
نخليها فترة بسيطة ..
وآخر شي نضيف السمك ونقلبهم سوآآ ^_^

و طبعا نكون مجهزين العيش الأبيض

و عليييكم بألف عآفية ،،

..