شو رايكم في خياطة مستشفى الكورنيش. !؟
أنا مربية لي 4 شهور ! وهذا اول بيبي واحس خياطتهم شنيعه ة
هل أنا بس ولا في حد شراتي
لاني ابا اعدل الي خربوه (مب توسع) بس وايد خايفة وماعرف وين اسير
هل الخاص يقدرون ولا لازم اييب بيبي ثاني 
والله الموضوع محررررررررررج بس ماباليد حيلة
نفس مشكلة اختي و عدلوا لها إياه في النور بعد ما يابت البيبي الثاني بس شوفي يمكن مشكلتج تختلف لان اختي اكتشفته بعد سنه
هلا خيتي مافهمت عليج كيف تحسين يعني بتوسع او ان المكان مختلف ؟؟
انا كل ولاداتي ف الكورنيش وخياطتهم اوكي يعني اللي شقه الياهل يخيطولج اياه ويرد نفس ماكان
روحي كشفي عند دكتوره وقوليلها مشكلتج وهيه بتخبرج بكل شي وان شالله تتطمنين 
ياسآتر 
وانآ مفكرة آربي عندهم
اذا يستوي اؤ لآ ماعندي فكرة
بس الدكتورة نادية والدكتؤره مريآنا شاطرات بهالسؤالف
مشكورين خواتي عالرد هيه اقصد الشكل غغير هم الولادة عندهم مريحة وفاهمين لكن انصدمت من الخياطة وايد او يمكن انا اللي خيطتني سوت لي اي كلام او هم جيه خياطتهم ها الي ابا افهمه ?! بشوف مريانا شو بتقول ان شاءالله خير
انا ربيت عندهم والحمدلله خياطتهم كانت زينه ورد المكان نفس قبل
يمكن اللي سوتلج مال أي كلام روحي جيكي مكان غير