السلام عليكم و رحمة الله و بركاته
لو سمحتوا بنات محتاجه مساعدتكم ضروري والله و الي تقدر تفيدني الله يخليها خل تكتب لي شي يفيدني لاني صدق في حيره من الموضوع و مب عارفه شو اسوي
انا موظفة في بوظبي و ابا اكمل دراستي بكالريوس و لانه عندي التزامات ماقدر غير اني اكمل في الويكند يعني دراسه في الويكند و دورت وايد و ماحصلت غير ثلاث جامعات اوكي يدرسون في الويكند الي هم :
1- جامعة الغرير
2- جامعة الجزيرة
3- الجامعة الامريكية في دبي << اسمها جي
و سرت شفتهم ثلاثتهم بس مادري احس اني محتاره للحين انا ابا ادرس آي تي بس الي ابا اعرفه الحين اي جامعة فيهم فيها بنات اكثر لاني يوم رحت في الويكند كل الي شفتهم شباب ماحصلت ولا بنت و يمكن لاني رحت في يوم اجازة عشان جي ماحصلت حد من البنات الا عدد بسيط جدًا بس انا مابا اداوم بروحي وسط شباب ابا جامعة يكون فيها بنات يعني الله يخليكن الي تدرس في وحده من هذيلا الجامعات ويكند تقولي و تقول تخصصها و رايها من بين هالثلاث و رايها في جامعتها نفسها او الي تكون عارفه الوضع فيهم كلهم عن اوضاعهم في ((الويكند)) و عن وضع المدرسين فيها و التدريس لاني انا ابا اكمل اربع سنوات فيها و الاربع سنوات مب هينه والي تفيدني يزاها الله خير والله لادعي لها لآخر يوم في حياتي بلييييييييييز لا تردوني والله اني ضايعه و ماشي وقت للتسجيل و رمضان و عيد و حاله
اتريا ردووودكم
الله يعيـــنج ,, انا تقريبا مثل حالتـــج,,
الغريـــر ما انصحج فيها لان المعـــروف انه شهادتها مب قويــه (والله أعلــم)
الجامعه الامريكية بدبي سرت لهــا وماخبروني عن نظام الويكند 0_0 بس بالنسبة لحد يشتغل صعبة دراستــهم !!
أمــا الجــزيره أنـــا الحينه يالسة أجهـــز أوراقي لــهم لان مدحولــي فيــها وقــريبة ووقاتهــا بالنسبة لدوام اليومي من 4ونص مساءا
بس دوام الويكند والله اسمحيلي ماعرف عنه ,, بس افضل وحده برأيي حق اللي يشتغلون (مثلي) الجــزيره أفضـــل
المشاركة الأصلية كتبت بواسطة lolo888 
الغريـــر ما انصحج فيها لان المعـــروف انه شهادتها مب قويــه (والله أعلــم)
الجامعه الامريكية بدبي سرت لهــا وماخبروني عن نظام الويكند 0_0 بس بالنسبة لحد يشتغل صعبة دراستــهم !!
أمــا الجــزيره أنـــا الحينه يالسة أجهـــز أوراقي لــهم لان مدحولــي فيــها وقــريبة ووقاتهــا بالنسبة لدوام اليومي من 4ونص مساءا
بس دوام الويكند والله اسمحيلي ماعرف عنه ,, بس افضل وحده برأيي حق اللي يشتغلون (مثلي) الجــزيره أفضـــل
الغرير مب قوية : ( بس انا سالت عنهم كلهم كلهم قالوا انها معترف فيها و جي بس ابا اعرف اي وحده من رايج فيها بنات اكثرر
و الامريكيه ليش صعبة دراستهم للي يشتغلون؟؟ يعني قصدج ما يساعدون و جي؟
و شو الي خلاج تسجلين في الجزيرة؟ يعني الحين الجزيرة احسن وحده من بينهم؟؟ من رايج اسجل فيها حق الويكند؟ انا من ناحية مسافه الامريكيه و الغرير عدال بعض و زياده عنهم عشر دقايق للجزيره اذا بيي من شارع الامارات
و مشكورة على ردج
بنات دخيلكم الي عندها اي معلومه لا تبخل علي
أدري معتــرف فيــها بس المعروف او حسب انا ما سمعت ماقدر أأكد او أظلمهم
إنه متساهلين وايد والاشيا..
الامريكية صعبة لانها يبالها دراسة اول باول وبروجكتات ودوام منتظم ما يتساهلون ولازم تكونين بيرفكت بالانجليزي,, لان يوم سرت كل شي كل شي بالانجليزي ,,
سجلت بالجزيره لاني ابى اعلام ومسائي وبدبي ومعترف فيها وباللغه العربيه مايبالها توفل
يعني كل اللي اباه حصلته فيها 
انتي تقريبا عرفتي كل المعلومات عنها ,, لو تسيرين انتي شخصيا حق الثلاث وتسألين وتشوفين جوهم كيف افضل ,, سبحان الله يمكن انتي رايج غير,,
واستعيلي لان ماشي وقت ^-^
الغاليه شو التخصص اللي تبينه؟
لولو انتي متاكده ان الجامعه الامريكيه مشددين وايد؟؟ انا لاني سالت و قالوا حقي اذا تبين شهاده قويه روحي الامريكيه و انا الصراحه ابا شهاده قويه بس في نفس الوقت ماباهم يشددون وايد وايد يعني اذا مشددين شوي زياده عن الغرير و الجزيرة مب مشكله بس اذا وايد لا صعبه و مادري ليش احس الغرير مب اوكي لانه محد مدحلي اياها و الله يستر بس انتي شخصيــًا لولو شو تنصحيني اروح؟؟ اذا انا ابا ادرس آي تي
اختي الوفيه انا ابا ادرس آي تي لو انه ماعندي التوفل بس بحاول ادبره قبل لا ادخل لانه فخاطري هالتخصص
أكيــــــــــــــــد الامريكية شهادتهم قوية ,, صح مب نفس اللي بالشارجه بس بعد قويه !!
انا مادرست فيها بس ربيعتي كانت هناك وتقولي انه صعبة وهي ما كانت اداوم ,, كيف اللي يداوم 
والله عزيزتي كل حد له رايه ونظرته بالشي..
أنـــا مثل ما قريتي الجزيره دخلــت مزاجي P: بس ماعرف انتي شو اللي تبينه ,, سيري انتي واستفسري عن الاشيا اللي تبينها وقرري بســرعه لانه ماشي وقت ..
بالنسبة لل IT انا كنت مسجله بكلية الامارات للإدارة والتكنولوجيا بالنهده معترف فيها وفيها مسائي وسعرها وااااايد زين أقل عن كل الجامعات بس طلعت لانه أبى اعلام للأسف