مرحبا خواتي العزيزات
هذا أول حمل ألحمدلله دخلت الشهر الثامن بس الحين محتاره فالولاده
بين الرحبه والكورنيش بعدي مافتحت لي ملف بمكان لأني دوم أراجع عياده خاصه.
وين تنصحوني أروح.
دعواتكم لي الله يسهل على كل وحده حامل ولادتها ويرزق كل محرومه.
السلام عليكم
الله يقومج بالسلامه عزيزتي… اما راي اختاري المستشفا الاقربلج ولاهلج. لان التساهيل من الله. مستشفا الرحبه الدكتوره هي اللي تولدج ومستشفا الكورنيش الدكتوره ما اتي الا للحالات الطاريه والمدوايف هي اللي تولدج. مستشفا الرحبه ما يدخلونج الطواري علا طول لغرفه الولاده ومستشفا الكورنيش عل حسب الحاله. الغرف الخاصه في الرحبه اكبر غرفتج وصاله والكورنيش في غرفتج وصاله وفي غرفته. وفي كلا المستشفين لازم تقدمين علا الخاص في الثامن.
صلي استخاره وشوفي…
انا ما جربت الرحبه بس 3 ولادات في الكورنيش كانوا ممتازين
انت اختاري الاقرب لج
بس لازم الحين تفتحين ملف لان لا قدر الله لو صار لج شي طاري و ما عندج ملف في المستشفى ما يستقبلونج
والله يسهل عليج
الله يسهل عليج
انا ربيت ف الرحبه الحمد الله كل شي كان اوكيه بس وقت الخيااطه الدكتوره ما بنجتني وكنت وايد اتالم اذكر هاليوم عدل حسيت عمري بمووت بس على حسب الدكتووره مب كلهم نفس الشي انتي وحظج
الله يسهل عليج و علينا
الله يسهل عليج………………………… ان شاء الله البنات يفيدونج
استخيري اختي والتوفيق من الله
لكن مثل ما قالوا الخوات افتحي ملف في الكورنيش اوالرحبة لانهم لا يستقبلونك للولادة بدون ملف اذا حصل طاري لا سمح الله
الله يسهل عليك وعلينا
انا شخصيا انصحك بالكورنيش
ولدت فيه من سنة تقريبا والحمد لله ولادة طبيعية و تجربة ممتازة وهن صدق خبرة
وعلى فكرة اخذت فيه ابرة ظهر في الولادة ..
وبالتوفيق