شخباركم عساكم بخير
الغوالي فديتكم ابي مساعدتكم واتمنى بسرعه لاني ابي اسويه عشاء
السالفه ومافيها زوجي يحب الباستا مع الصلصه البيضاء وشوي صلصه حمراء
انا اعرف اسوي بس احس اني مااضبطه ابي اعرف شغله تمام وحلوه فيها نكهات مع الصلصه البيضاء تكون طاغيه شوي على الصلصه الحمراء واهم شي الحمسه مع الدجاج بس مو معناتها تكون كلها بيضاء اتمنى فهمتوني تكفون ساعدوني
اتحراكم
هلا حبوبه أنا بعلمج عطريقه حلوه ومضبوطه بس انتي طبقيها بالضبط من غير زياده ونقصان…
المقادير:-
1 صدر دجاج مفور مقطع مكعبات صغار
كيس مكرونه مفوره وجاهزه (الفوتيشيني / القلم / القواقع / الفراشات)
علبة قشطه (نستله او KDD)
علبة كريمة خفق متوسطه
علبة فطر مقطع شرائح
فلفل بارد ملون(اصفر-اخضر-احمر) مقطع شرائح طوليه متوسطه
مكعبين ماجي
ملعقتين طعام زيت زيتون
ملعقه طعام ثوم مهروس
البهارات ملعقة طعام (اكليل الجبل/زعتر بري/ ريحان)
الطريقه:-
حطي زيت الزيتون والثوم عالنار/ وبعدها الدجاج مع التقليب/ وبعدها حطي الفلفل البارد الملون والفطر معاهم مع الاستمرار فالتقليب.
صبي علبة القشطه فوقهم مع التقليب وعقب صبي الكريمه كلها مع التحريك واخيرا حطي الماجي والبهارات فوق الخليط وحركيه وتذوقي الصلصه اذا مالحه او يبالها ملح زياده عاد اذا حسيتي انها ناقصه ملوحه حطي ملعقة طعام جبن بوك او كرافت بتطلع تجنن وصبي المكرونه فوق الخليط مع التقليب ويم يم يم وبالعافيه الغلا…..خبرينا عاد شو النتيجه.. واذا بغيتي الحمرا بخبرج بطريقه حلوه بس بصلصة البيتزا…
للرفع
يعطيكم العافيه الغوالي وبجربها بكره ان شاء الله برد لكم الخبر
لان اليوم سويت الباستا اللي اعرفها …
ماقصرن البنات
للرفع