يمكنك أن تنجز ما قد هيأت عقلك له وأعددت نفسك لفعله يومياتي المصورة

السلام عليكم شخباركم خواتي قررت افتح موضوع ليومياتي ويكون مصور واحط لكم فيه بعد لقطات من تصويري مو بس تكون يوميات رجيمية لا تكون يوميات شاملة كل شي ان شاء الله

اسمي :- aci hayat- A
عمري :- 25 سنة
وزني :- كان 92 وهالاسبوع الحمدالله نزلت كيلو مع انه اليوم اول يوم دورة لي لــ 91
طـولـي :- 165

تابعوني ان شاء الله خواتي وشجعوني واتمنى القى منكم التشجيع المطلوب ويرجع القسم لنشاطه لانه هالفترة كنت كل ماادش القسم ابدا ابدا مااتشجع
واخيرا حبيت اقول لكم اني مشتركة في نيوترشن اون لاين بس ابدا ماحبيت اكلهم والشهر الياي ان شاء الله برجع لدكتور مصطفى مركز الريم للرشاقة وبلتزم معاه ان شاء الله

حمستوني اصور لكم من اليوم حبيباتي والحمدالله خذت لكم كم صورة قبل لايخلص يومي
يومي طبعا اليوم بكبره مخربط الحلوة مشرفة من الصبح

بس طلعت فليل على اساس اروح ناين ويست اخذ لي صندل حلو للطلعات والدوام وبالفعل رحت ويا اخويه الصغير واشوف السيايير هناك ماشاء الله اتفركش مشوراي اول شي من كثر الزحمة مسكرين الدروب داخل ثاني شي نو وي نحصل باركن

قلت امري لله بيي باجر العصر احسن وقبل لااروح البيت مريت خذت لي وخذت لماما وبابا كوكتيل وحق الحلو اللي معايه ايس كريم وانا خذت لي اناناس بصراحة احب الاناناس من هالكافتيريا يسويه حلو

وخذت لكم صورة اشهر كافتيريا عصاير في راك

رجعت البيت وقلت باكل عشايه مع العصير بس اكل السنتر استغفر الله ماادري كيف مسوين كبابهم مب حلووو وكلت بداله حبة سبونخه وحدة

اخر شي ختمتها بشاي الرجيم هم عاطيني اياه احس طعمه مثل شاي رويال للرجيم

وبجييييييه خلص يومي المتخربط الله يعين واخر اخر شي بختمها بحبتين بندول نايت عشان اروم ارقد من ويع الحبيبة ولو يعت بأكل فروت سلت ان شاء الله